’50KM पर्यंत लोक आंधळे होतील, स्टील लोण्यासारखे वितळणार…, अणुबॉम्बचा स्फोट झाला तर काय होईल, जाणून घ्या
नवी दिल्ली : जम्मू-काश्मीरमधील पहलगाम हल्ल्यानंतर दोन्ही देशातील तणाव वाढला आहे. या दरम्यान पाकिस्तानी राज्यकर्त्यांकडून अणूबॉम्ब वापरण्याची धमकी दिली जात होती. भारताने त्या धमक्यांना भीक न घालता ऑपरेशन सिंदूर राबवून पाकिस्तानमधील नऊ दहशतवादी तळ उद्ध्वस्त केली.
भारताच्या या मोहिमेनंतर पाकिस्तानकडून प्रतिहल्ला सुरु झाला आहे. भारताने या धमक्यांना न जुमानता ‘ऑपरेशन सिंदूर’ अंतर्गत पाकिस्तानमधील नऊ दहशतवादी तळ उद्ध्वस्त केले, ज्यामुळे दोन्ही देशांमधील संघर्ष अधिक तीव्र झाला आहे.
दरम्यान, या पार्श्वभूमीवर, पाकिस्तानमधील प्रमुख शहरे जसे की इस्लामाबाद किंवा कराची येथे अणुबॉम्बचा स्फोट झाल्यास काय भयंकर परिणाम होऊ शकतात, यावर चर्चा सुरू झाली आहे.
अणुबॉम्ब स्फोटानंतरची परिस्थिती अत्यंत विनाशकारी असेल. ज्या ठिकाणी अणुबॉम्ब फुटेल, तेथे क्षणार्धात १०० सूर्यांच्या एकत्रित प्रकाशाएवढी प्रचंड चमक निर्माण होईल. या तीव्र प्रकाशामुळे स्फोटाच्या केंद्रापासून ५० किलोमीटर त्रिज्येतील लोकांची दृष्टी तात्काळ जाईल, म्हणजेच ते आंधळे होतील.
या प्रखर तेजासोबतच, तापमान दहा लाख अंश सेल्सिअसपर्यंत पोहोचेल, ज्यामुळे सजीव प्राणी आणि वनस्पती क्षणार्धात जळून भस्मसात होतील. या प्रचंड उष्णतेमुळे मोठमोठ्या इमारती पत्त्यांच्या बंगल्याप्रमाणे कोसळतील. स्फोटामुळे निर्माण झालेल्या प्रचंड दाबाने वादळी वारे वाहू लागतील, जे स्फोट केंद्रापासून १० किलोमीटरपर्यंतच्या परिसरातील झाडे, इमारती आणि इतर सर्व संरचना मुळासकट उखडून टाकतील.
अणुबॉम्ब स्फोटाच्या पहिल्या एका तासातच सुमारे दोन लाख लोकांचा मृत्यू होण्याची शक्यता आहे. त्यानंतरही, किरणोत्सर्गामुळे आणि इतर परिणामांमुळे पुढील काही महिन्यांत आणखी एक लाख लोक कर्करोगाने ग्रस्त होऊ शकतात. ज्या ठिकाणी अणुबॉम्बचा स्फोट होईल, ती जागा अक्षरशः एका मोठ्या स्मशानभूमीत रूपांतरित होईल. उंच इमारतींना आधार देणारे भलेमोठे पोलादी खांबवितळून जातील, ज्यामुळे संपूर्ण शहर उद्ध्वस्त होईल.
पृथ्वीचा पृष्ठभाग इतका तापेल की, सर्वत्रची माती, झाडेझुडपे जळून खाक होतील. इतकेच नव्हे तर, पोलाद आणि काच यांसारखे मजबूत पदार्थही लोण्याप्रमाणे वितळून जातील. स्फोटानंतर आकाशात एक महाकाय धुराचा आणि धुळीचा ढग तयार होईल, ज्यामुळे किरणोत्सर्गी कण वातावरणात १०० किलोमीटरपर्यंत पसरतील, आणि त्यामुळे प्राणघातक रेडिएशनचा धोका निर्माण होईल. वाळू इतकी तापेल की ती पॉपकॉर्नप्रमाणे फुटू लागेल.
