Daund : दौंडमध्ये नवी राजकीय समीकरणं, राहुल कुल यांच्याविरोधात ‘हा’ बडा नेता रिंगणात…

Daund : संपूर्ण देशाचे लक्ष लागलेल्या महाराष्ट्र विधानसभा निवडणुकांचे बिगुल अखेर वाजले आहे. केंद्रीय निवडणूक आयोगाकडून महाराष्ट्र विधानसभा निवडणुकांचा कार्यक्रम जाहीर करण्यात आला आहे. येत्या २० नोव्हेंबर रोजी महाराष्ट्रातील विधानसभा निवडणूक पार पडणार आहे.

याच पार्श्वभूमीवर निवडणुकीसाठी नवे राजकीय समीकरण तयार होत आहेत. पुणे जिल्ह्यातील दौंड विधानसभा मतदारसंघात विद्यमान आमदार राहुल कुल यांच्या विरोधात मोठा नेते रिंगणात उतरण्याची शक्यता आहे.

अजित पवार गटातील माजी आमदार रमेश थोरात यांनी शरद पवारांची भेट घेतली आहे, ज्यामुळे ते शरद पवार गटात प्रवेश करून निवडणूक लढण्याची तयारी करत असल्याची चर्चा सुरू आहे.  Daund

यंदाच्या निवडणुकीत राहुल कुल आणि रमेश थोरात यांच्यात संघर्ष होण्याची दाट शक्यता आहे. त्यांची लढाई स्थानिक जनतेच्या भावनांना आकार देऊ शकते. दौंडमधील राजकारणात हे दोन नेते एकमेकांच्या विरोधात उभे राहिल्यास त्याचा परिणाम या निवडणुकीवर होणार आहे. त्यामुळे या राजकीय चुरशीकडे लक्ष ठेवणे महत्वाचे ठरेल.

दरम्यान, रमेश थोरात यांनी त्यांच्या लढाईची तयारी दर्शवली आहे. ते म्हणाले, आतापर्यंत तुतारीचा निरोप आलेला नाही. जर तुतारी आली, तर मतदारांशी चर्चा करून पुढला निर्णय घेणार आहे. अपक्ष लढण्याची तयारी आहे.” थोरातांनी शरद पवार आणि सुप्रिया सुळे यांच्याशी बैठक केली असून, त्यांनी आपल्या लढाईची तयारी स्पष्ट केली आहे.