मोठी बातमी ! अजित पवार यांना हादरे बसण्यास सुरुवात , बडा नेता करणार दादांना रामराम !!
Kolhapur : 2024 च्या लोकसभा निवडणुका संपल्यानंतर आता संपूर्ण महाराष्ट्राचे लक्ष विधानसभा निवडणुकीकडे लागले आहे. या निवडणुकीसाठी राजकीय पक्षांनीही तयारी सुरू केली आहे. दुसरीकडे नेत्यांनी आपापल्या मतदारसंघात लोकांच्या भेटीगाठी वाढवल्या आहेत. काही नेते तिकीट मिळवण्यासाठी वरिष्ठांची मनधरणी करत आहेत. काही नेते त्यांच्या सोयीनुसार पक्ष बदलण्याचीही शक्यता आहे.
वृत्तानुसार, कोल्हापुरातही राजकीय घडामोडींना वेग आला आहे. अजित पवार यांचा पक्ष राष्ट्रवादी काँग्रेसला कोल्हापुरात मोठा झटका बसण्याची शक्यता आहे. अजित पवार यांचे राष्ट्रवादीचे प्रदेश उपाध्यक्ष आणि कोल्हापूर जिल्हाध्यक्ष ए.वाय.पाटील हे शरद पवार यांच्या पक्षात प्रवेश करण्याची दाट शक्यता आहे. अजित पवार गटाचे कोल्हापूर जिल्हाध्यक्ष ए.वाय.पाटील यांनी शरद पवार यांची भेट घेतली आहे. शरद पवार यांनी अलीकडच्या काळात दोन वेळा कोल्हापूरला भेट दिली.
दुसरीकडे ए.वाय.पाटील यांच्यानंतर माजी आमदार के.पी.पाटील यांनीही शरद पवार यांची भेट घेतली आहे. के.पी.पाटील यांनी महाविकास आघाडीशी लढण्याचे ठरवले आहे. कोल्हापुरची राधानगरी-भुदरगडची जागा कोणत्या पक्षाकडे जाते यावर के.पी.पाटील यांचा निर्णय अवलंबून राहणार आहे. के.पी.पाटील कार्यकर्त्यांची बैठक घेऊन पुढील दिशा जाहीर करणार आहेत.
