Satish Wagh Murder : आमदार योगेश टिळेकर यांचे मामा सतीश वाघ यांच्या हत्येप्रकरणी ८ ते १० जण ताब्यात, महत्वाची माहिती झाली उघड…
Satish Wagh Murder : पुणे शहरात काल एक धक्कादायक घटना घडली. यामुळे एकच खळबळ उडाली होती. आमदार योगेश टिळेकर यांच्या मामांचे अपहरण करुन त्यांची हत्या करण्यात आल्याची धक्कादायक घटना घडली. मामा सतीश वाघ यांचा खून झाला असून यवत गावच्या हद्दीत मृतदेह सापडला होता.
याप्रकरणी आता मोठी अपडेट समोर येत आहे. याबाबत हडपसर पोलीस आणि पुणे गुन्हे शाखेच्या पथकांना मोठं यश आलं आहे. पोलिसांनी ८ ते १० संशयित आरोपींना ताब्यात घेतलं आहे. त्यांची कसून चौकशी केली जात आहे. तसेच काल गुन्हे शाखा युनिट ५ च्या दरोडा व वाहनचोरी पथकाने आव्हाळवाडी (ता. हवेली ) येथून एका आरोपीला ताब्यात घेतले होते.
विधान परिषदेचे भाजपचे आमदार योगेश टिळेकर यांचे मामा सतिश वाघ यांची अपहरण करून निर्घृण हत्या करण्यात आल्याची धक्कादायक घटना सोमवारी (ता. 09) घडली आहे. या हत्येच्या घटनेनंतर पुणे शहरासह संपूर्ण राज्यात एकच खळबळ उडाली आहे.
यावेळी पोलिसांना सतिश वाघ यांचा मृतदेह शिंदवणे घाटात सापडला होता. या संशयितांमधील दोघांकडून पोलिसांना महत्त्वाची माहिती प्राप्त झाली आहे. या माहितीच्या आधारे गुन्ह्याची उकल होऊ शकते, अशी माहिती एका पोलीस अधिकाऱ्यानं दिली आहे. याबाबत तपास सुरू आहे.
दरम्यान, आरोपींची सतीश वाघ यांच्यासोबत वैयक्तिक दुश्मनी असल्याची माहिती पोलिसांनी दिली. आता ही दुश्मनी कशामुळे झाली आणि हत्येचं कारण काय असू शकतं, याचा तपास पोलीस करत आहेत. या घटनेने मात्र जोरदार चर्चा झाली आहे.
