Ankita Patil : ब्रेकिंग! हर्षवर्धन पाटलांआधी अंकिता पाटलांनी भाजप सोडली, शरद पवार गटात प्रवेश फिक्स…

Ankita Patil : भाजप नेते हर्षवर्धन पाटील हे आज मोठा निर्णय घेण्याची शक्यता आहे. पाटील आज राष्ट्रवादी काँग्रेस शरदचंद्र पवार पक्षात जाणार असल्याची घोषणा करणार असल्याची शक्यता वर्तवली जातेय.

अशातच त्यांची मुलगी अंकिता पाटील ठाकरे या देखील भाजपच्या युवा मोर्चा पुणे जिल्हा अध्यक्षपदाचा आज राजीनामा देणार आहेत, अशी माहिती समोर अली आहे.

याबाबत प्रसारमाध्यमांशी बोलताना अंकिता पाटील म्हणाल्या की, हर्षवर्धन पाटील साहेब जे काही आहे ते पत्रकार परिषदेत बोलतील. कार्यकर्त्यांचा आग्रह आहे की, साहेबांनी शरद पवार पक्षात प्रवेश करावा, याबाबात साहेबच स्पष्टीकरण देतील असेही अंकिता पाटील म्हणाल्या. Ankita Patil

भाजपच्या सर्व पदांचा मी आज राजीनामा देणार असल्याचे अंकिता पाटील यांनी सांगितले. विधानसभेची निवडणूक समोर ठेवून युवा पदाधिकारी कार्यरत राहणार असल्याचे अंकिता पाटील म्हणाल्या.

दरम्यान, राजकारणात महत्वाकांक्षा असतात. हर्षवर्धन पाटलांचे चुकीचे सूरू आहे असं मी म्हणणार नाही. पण माझे म्हणण आहे की, एका पक्षात राहण्याचे समाधान वेगळं असतं, असे म्हणत चंद्रकांत पाटील यांनी हर्षवर्धन पाटील यांच्या भाजप सोडण्याचे संकेत दिले आहेत.