स्टँड-अप कॉमेडिन ख्याली सहारनवर बलात्काराचा गुन्हा दाखल….!
मुंबई : ‘द लाफ्टर चॅलेंज’ या लोकप्रिय शोमधून प्रसिद्ध झालेल्या कॉमेडियन ख्याली सहारनवर बलात्काराचा गुन्हा दाखल करण्यात आला आहे. वृत्तानुसार, त्याच्यावर २५ वर्षीय महिलेवर बलात्कार केल्याप्रकरणी गुन्हा दाखल करण्यात आला आहे.
ही घटना तीन दिवसांपूर्वी एका हॉटेलमध्ये घडल्याचे पोलिसांनी सांगितले आहे. कॉमेडियन ख्याली सहारन याने एका मुलीला आणि तिच्या एका मैत्रिणीला नोकरी देण्याच्या बहाण्याने जयपूरमधील हॉटेलमध्ये बोलावले आणि तिथे तिच्यासोबत गैरवर्तन केल्याचा आरोप त्याच्यावर करण्यात आला आहे.
मिळालेल्या माहितीनुसार, कॉमेडियन ख्याली याने महिलेला आणि तिच्या मैत्रिणीला हॉटेलमध्ये बोलावून बीअर पिण्यास भाग पाडले आणि नंतर दारूच्या नशेत त्या महिलेवर बलात्कार केला.
वृत्तानुसार, महिलेच्या तक्रारीनंतर कॉमेडियन ख्याली सहारन लाफ्टर चॅलेंजविरोधात भारतीय दंड संहितेच्या कलम ३७६ अंतर्गत गुन्हा दाखल करण्यात आला आहे. तसेच या प्रकरणाची चौकशी करण्यात येत आहे. वृत्तानुसार, घटनेच्या एका दिवसानंतर या प्रकरणी एफआयआर नोंदवण्यात आल्याचे पोलिसांचे म्हणणे आहे.
पीडित महिला राजस्थानमधील श्रीगंगानगरची रहिवासी आहे आणि एका गुटखा फर्ममध्ये मार्केटिंग एक्झिक्युटिव्ह म्हणून काम करणा-या आणखी एका महिलेसह सुमारे एक महिन्यापूर्वी कॉमेडियनच्या संपर्कात आली होती.
त्यानंतर दोन्ही मुली कॉमेडियन ख्याली सहारनला भेटण्यासाठी जयपूरमधील एका हॉटेलमध्ये पोहोचल्या. जिथे कॉमेडियनने दोन खोल्या बुक केल्या होत्या, त्यात एक त्याच्यासाठी आणि दुसरी दोन्ही महिलांसाठी होती. रिपोर्टस्नुसार, कॉमेडियन ख्याली याने दोन्ही महिलांना बळजबरीने बीअर पिण्यास सांगितले आणि स्वत: बीअर प्यायली. यानंतर, दोन महिलांपैकी एक कॉमेडियनच्या खोलीतून निघून गेली, त्यानंतरच त्याने पीडितेसोबत गैरवर्तन केले. पोलिस सध्या या प्रकरणाचा तपास करत आहेत.
