Sortapwadi : सोरतापवाडी येथे चारित्र्याच्या संशयावरून पत्नीवर भरदिवसा चाकूने सपासप वार, आरोपीला उरुळी कांचन पोलिसांनी केली अटक..
Sortapwadi उरुळी कांचन : सोरतापवाडी (ता. हेवली) येथून एक धक्कादायक घटना समोर आली आहे. चारित्र्याच्या संशयावरून पत्नीवर भरदिवसा चाकूने सपासप वार केल्याने एकच खळबळ उडाली आहे
ही घटना सोरतापवाडी (ता. हवेली) ग्रामपंचायत हद्दीतील पुरोगामी माध्यमिक विद्यालयाच्या पाठीमागे बुधवारी (ता.७) दुपारी साडेबारा वाजण्याच्या सुमारास घडली आहे. याप्रकरणी आरोपीला उरुळी कांचन पोलिसांनी बेड्या ठोकल्या आहेत.
पल्लवी सूर्यकांत जाधव असे जखमी झालेल्या महिलेचे नाव आहे. तर सूर्यकांत बळीराम जाधव (वय.२८, नेहरूनगर, पिंपरी) असे अटक करण्यात आलेल्या आरोपीचे नाव आहे. याप्रकरणी पल्लवीची आई ललिता कांबळे (रा.सोरतापवाडी, ता. हवेली) यांनी उरुळी कांचन पोलीस ठाण्यात फिर्याद दिली आहे.
मिळालेल्या माहिती नुसार, आरोपी सूर्यकांत जाधव व पल्लवी यांचा काही वर्षांपूर्वी विवाह झाला होता. ते दोघेही नेहरूनगर, पिंपरी येथे राहण्यास होते. आरोपी हा चारित्र्याच्या संशावरून पल्लवीला वेळोवेळी शिवीगाळ करून भांडण करीत होता. मागील काही दिवसांपासून पुन्हा या दोघांमध्ये भांडण झाले.
या वारंवार होणाऱ्या त्रासाला कंटाळून पल्लवी या माहेरी सोरतापवाडी येथे आल्या होत्या. पल्लवी सोरतापवाडी येथे आईकडे आल्यानंतर आरोपी तिच्या पाठीमागे आला. त्यानंतर त्यांच्यात पुन्हा वाद सुरू झाला. यावेळी आरोपी सूर्यकांत जाधव याने पल्लवीच्या अंगावर धारदार चाकूने सपासप वार केले. या हल्ल्यात पल्लवी गंभीर जखमी झाल्या. या घटनेची माहिती पल्लवीच्या नातेवाईकांनी तत्काळ उरुळी कांचन पोलिसांना दिली. Sortapwadi
या घटनेची माहिती मिळताच, पोलीस तातडीने घटनास्थळी दाखल झाले. पोलिसांनी नागरिकांच्या मदतीने जखमीला पुण्यातील एका रुग्णालयात उपचारासाठी पाठविले आहे. मात्र, गुन्हा केल्यानंतर आरोपी आरोपी सूर्यकांत जाधव हा फरार होण्याच्या मार्गावर होता. सदर गुन्ह्याचे गांभीर्य लक्षात घेऊन उरुळी कांचन पोलीस ठाण्याचे पोलीस निरीक्षक शंकर पाटील यांनी आरोपीला पकडण्याच्या सूचना पोलिसांना दिल्या होत्या.
दरम्यान, त्यानंतर उरुळी कांचन पोलिसांनी लोणी काळभोर पोलिसांच्या मदतीने सापळा रचून आरोपीला नायगाव फाट्यावरून मोठ्या शिताफीने अटक केले. आरोपीला न्यायालयात हजर केले असता आरोपीला दोन दिवसांची पोलीस कोठडी सुनावली होती. त्यानंतर आरोपीची रवानगी येरवडा कारागृहात करण्यात आली आहे.