मोठ्या बहिणीवर प्रेम करते अन् माझा तिरस्कार!! लहान बहिणीला आला राग, थेट आईचीच केली हत्या, घटनेने सगळेच सुन्न…
मुलीने आपल्या आईवर चाकूने हल्ला केला. या हल्ल्यात गंभीर जखमी झालेल्या महिलेचा जागीच मृत्यू झाल्याची धक्कादायक घटना मुंबईत घडली आहे. घटनेची माहिती मिळताच चुनाभट्टी पोलिसांनी घटनास्थळी धाव घेत मुलीला अटक केली. याबाबत धक्कादायक माहिती समोर आली आहे.
मोठ्या बहिणीवर प्रेम आणि माझा तिरस्कार करते म्हणून राग आलेल्या मुलीने आईला संपवले आहे. यामुळे शुल्लक कारणासाठी जन्मदात्या आईला संपवल्याचे दिसून आले आहे. कुर्ल्यातील कुरेशनगरमध्ये ही घटना घडली आहे. सबिरा बानो आझगर शेख (६२ वर्षे) असं हत्या झालेल्या महिलेचे नाव आहे.
तसेच सबिरा बानो यांची मुलगी रेश्मा मुजफ्फर काजी त्यांची हत्या केली आहे. या घटनेत मृत्यू झालेल्या सबिरा बानो या मुंब्र्यामध्ये आपल्या मुलासोबत राहत होत्या. त्या आपल्या मुलीला भेटण्यासाठी कुर्ल्यातील कुरेशीनगरमध्ये आल्या असताना यावेळी आपली आई ही आपल्यापेक्षा आपल्या मोठ्या बहिणीवर जास्त प्रेम करते आणि आपला तिरस्कार करते, असे म्हणत त्यांची हत्या केली.
सुरुवातीला रेश्मा आपल्या आईशी भांडायला लागली. नंतर मात्र ही भांडणे वाढतच गेली. रेश्माने आपल्या आईवर घरातील चाकूने वार केले. या चाकू हल्ल्यात गंभीर जखमी झालेल्या सबिरा बानो यांचा जागीच मृत्यू झाला. यामुळे एकच खळबळ उडाली. यानंतर याबाबत माहिती इतरांना समजली.
दरम्यान, आईची हत्या केल्यानंतर तिने थेट चुनाभट्टी पोलिस ठाणे गाठून आपण आपल्या आईची हत्या केल्याची माहिती दिली. या महिलेला ताब्यात घेऊन पोलिसांनी घटनास्थळी धाव घेतली आणि पुढील तपास सुरू केला. या घटनेने मात्र सगळेच हादरले आहेत.
