Sharad Pawar : शरद पवार गटाकडून अखेरच्या क्षणी उमेदवार जाहीर, पाचव्या यादीत अनेकांना धक्का, वाचा यादी…

Sharad Pawar : राज्यात सध्या विधानसभा निवडणुकीची धूम आहे. इच्छुक नेते उमेदवारी अर्ज भरत आहेत. विधानसभा निवडणूक उमेदवारी अर्ज दाखल करण्यासाठी काही तासांचा अवधी राहिला आहे.

त्याच्या आधी अखेरच्या क्षणी राष्ट्रवादी काँग्रेस शरद पवार गटाने आपल्या उमेदवारांची यादी जाहीर केली आहे. या पाचव्या यादीत पंढरपूर, माढा, मुलुंड, मोहोळ या जागांचाही समावेश आहे. Sharad Pawar

पंढरपूरमधून काँग्रेसने माजी आमदार भारत भालके यांचा मुलगा भगिरथ भालके यांना उमेदवारी जाहीर केली आहे. आता शरद पवार गटानेदेखील अनिल सावंत यांना उमेदवारी जाहीर केली आहे. त्यामुळे आता या जागेवरून कोणी माघार घेणार की मैत्रीपूर्ण लढत होणार याकडे राजकीय वर्तुळाचे लक्ष लागले आहे.

शरद पवार गटाची पाचवी यादी समोर..

माढा – अभिजीत पाटील
पंढरपूर – अनिल सावंत
मोहोळ – राजू खरे
मुलुंड – संगीता वाजे
मोर्शी – गिरीश कराळे

तर दुसरीकडे पंढरपूर विधानसभा मतदारसंघातून महाविकासाआघाडीचे दोन उमेदवार रिंगणात उतरले आहेत. पंढरपूर विधानसभा मतदारसंघातून यापूर्वीच काँग्रेसने भगीरथ भालके यांना उमेदवारी दिली आहे. तर शरद पवारांनी नुकत्याच जाहीर झालेल्या यादीत आरोग्यमंत्री तानाजी सावंत यांचे पुतणे अनिल सावंत यांना उमेदवारी जाहीर केली आहे. माढ्याचे खासदार धैर्यशील मोहिते-पाटील यांच्या हस्ते अकलूज येथे अनिल सावंत यांना एबी फॉर्म देण्यात आला आहे.