योगायोग की राजकीय चर्चा! शरद पवार, गुलाबराव पाटील यांचा एकाच रेल्वे डब्यातून प्रवास, चर्चांना उधाण..
जळगाव : जळगाव जिल्ह्याचे पालकमंत्री गुलाबराव पाटील आणि राष्ट्रवादी काँग्रेसचे अध्यक्ष शरद पवार यांनी एकाच रेल्वे डब्यातून प्रवास केला आहे. यामुळे अनेकदा पवारांवर टीका करत असलेले पाटील कसकाय एकत्र आले असा प्रश्न उपस्थित केला जात आहे.
त्यामुळे राजकीय वर्तुळात चर्चांना उधाण आले आहे. शरद पवार हे १६ जूनच्या दिवशी जळगाव जिल्हा दौऱ्यावर आहेत. गुरुवारी शरद पवार हे मुंबईहून रेल्वे गाडीत बसले. यावेळी पाटील देखील तेथेच होते.
त्यामुळे या दोघांच्या एकत्र प्रवासाची चांगलीच चर्चा रंगली आहे. यावेळी पाटील म्हणाले, आमच्यात पाणी, शेती यावर चर्चा झाली, आज योगायोगाने शरद पवार यांच्यासह प्रवास करण्याची संधी मिळाली. मात्र आमच्या कुठलीही राजकीय चर्चा झाली नाही, असेही ते म्हणाले.
दरम्यान, रेल्वेच्या एका डब्यामध्ये बसलेले या दोन नेत्यांचे फोटो देखील समोर आले आहेत. त्यामुळे आता उलट सुलट चर्चा होऊ लागल्या आहेत. पाटील हे सतत शरद पवार यांच्यावर टीका करत असतात.
यामुळे या चर्चा अधिकच रंगू लागल्या आहेत. यामुळे येणाऱ्या काळात काय राजकीय घडामोडी घडणार का असा प्रश्न उपस्थित केला जात आहे.
