मोठी बातमी! राजू शेट्टी यांचं ठरलं, ‘या’ मतदार संघातून लढवणार लोकसभा…
कोल्हापूर : येणाऱ्या 2024 मध्ये लोकसभेच्या सहा जागांवर स्वाभिमानी शेतकरी संघटना निवडणुक लढवणार असल्याची माहिती राजू शेट्टी यांनी दिली आहे. सध्या सर्वच पक्ष लोकसभेची तयारी करत आहेत. यामध्ये राजू शेट्टी यांनी आघाडी घेतली आहे.
तसेच स्वाभिमानी पक्ष कोणत्याही पक्षासमवेत युती करणार नाही. स्वाभिमानी पक्ष हा राज्यभरात सहा ठिकाणी लोकसभा निवडणूक लढणार आहे. यामध्ये मी स्वतः हातकणंगले मतदारसंघातून लढेन असेही राजू शेट्टी यांनी सांगितले आहे.
दरम्यान, देशभरात लोकसभेच्या निवडणुकांची तयारी सर्व राजकीय पक्षांनी सुरू केली आहे. यामध्ये महाराष्ट्रात देखील मविआने लोकसभेसाठी कंबर कसली आहे. तसेच स्वाभिमानी शेतकरी संघटनेचे नेते राजू शेट्टी यांनी देखील आता तयारी चालू केली आहे.
लोकसभेसाठी अनेक राज्याबाहेरील राजकीय पक्षाचं लक्ष महाराष्ट्रावर आहे. राज्यात एकून ४८ लोकसभेच्या जागा आहेत. या जागांवर शिवसेना आणि भाजपचे खासदार आहेत. मात्र २०२४मध्ये राज्यात कोणत्या पक्षाला किती जागा मिळणार हे पाहणं महत्त्वाचं ठरणार आहे.
दरम्यान सर्वांची ईडी चौकशी करा. माझ्या चौकशीचा विचार असेल तर त्यासाठी देखील मी तयार आहे असे स्वाभिमानी शेतकरी संघटनेचे नेते राजू शेट्टी यांनी नमूद केले.
