Raigad Fort : शिवजयंती दिवशीच घडला अनर्थ! शॉर्टकट मारण्याच्या नादात दोघे अडकले हिरकणी कड्यावर, रायगडावर थरारक घटना…

Raigad Fort : छत्रपती शिवाजी महाराज यांच्या जयंतीनिमित्त आज देशभरात माेठा उत्साह आहे. महाराष्ट्रातील अनेक गड किल्ल्यांवरुन युवा मंडळे आपआपल्या गावात शिवज्याेत घेऊन परतत आहेत. दरम्यान शिवजयंती दिनी किल्ले रायगडावरील हिरकणी कड्यावर अडकलेल्या दाेन युवकांना हिरकणी वाडीतील ग्रामस्थांनी सुखरुप गावात आणले.

शिवजयंती निमित्त आज लाखो शिवभक्त किल्ले रायगडावर आले आहे. रायगडावर छत्रपती शिवाजी महाराज यांची समाधी आहे. शिवरायांना अभिवादन करण्यासाठी लाखो शिवभक्त आले आहेत. शिवजयंती निमित्त किल्ले रायगडावर गेलेले दोन तरुण हिरकणी कड्यावर अडकले होते. तरुणांची सुटका करण्यासाठी रेस्क्यू टीमला पाचारण करण्यात आले होते. अखेर प्रयत्नांची पराकाष्ठा करुन या दोघा तरुणांची सुटका करण्यास यश आले आहे.

मिळलेल्या माहिती नुसार, रोपवेच्या मार्गावरुन जात असताना काही स्थानिकांनी या तरुणांना हिरकणी कड्यावर अडकलेले पाहिले. त्यानंतर परिसरात एकच गोंधळ उडाली. गडावर परत जाणे किंवा खाली उतरणे कठिण असल्याने एका दगडाचा आधार घेत दोघेही एकाठिकाणी जीव मुठीत घेऊन थांबले आहेत.

हिरकणी कड्यावर अडकल्याने दोघा तरुणांनी रुमालाच्या इशाऱ्याने लोकांचे लक्ष वळवण्याचे प्रयत्न केले. तसंच आरडाओरडा करत सुटका करण्यासाठी साकडे घालत आहे. तरुणांची सुटका करण्यासाठी रेस्क्यू टीमला पाचारण करण्यात आले आहे. मात्र, तोपर्यंत या तरुणांच्या सुटकेसाठी दुसरा कोणतातरी पर्याय शोधण्यात येत होता. Raigad Fort

दोघे तरुण शिवजंयतीसाठी रायगडावर आले होते. रोपवेच्या मार्गावरुन जाताना स्थानिकांनी दोघांना पाहिले त्यानंतर एकच गोंधळ उडाला. हिरकणी कड्याची वाट ही अत्यंत अवघड आणि किचकट आहे. अशा परिस्थितीत दोघेही तरुण एका दगडाचा आधार घेऊन एकाच ठिकाणी थांबले आहेत.

तरुणांना वाचवण्यासाठी रेस्क्यू टीमला पाचारण करण्यात आले आहे. महाडमधील दोन टीम आहेत त्यातील एका टीमला बोलवण्यात आले होते. किल्ले रायगडाच्या हिरकणी कड्याच्या खालच्या बाजुस अडकलेल्या दोन शिवप्रेमींना सुखरूप खाली उतरवण्यात स्थानिकांना यश आले आहे.

सातारा येथील एक तरुण असून उत्तर प्रदेशातील एक असल्याची माहिती समोर येत आहे. पुणे येथे नोकरीच्या निमित्ताने एकत्र होते. हे दोघे आज शिवजयंतीनिमित्त रायगड फिरण्यासाठी आले होते. हिरकणी बुरूज परिसरातून शॉर्टकटने खाली उतरण्याच्या नादात दोघेही रस्ता अडकले आणि तिथेच अडकून पडले. हिरकणी वाडीतील स्थानिक तरुणांनी बचावकार्य करत दोघांना सुखरुप खाली उतरवले आहे.