Pune Crime : संतापजनक! अंगावरील सर्व कपडे काढून महिलेचा विनयभंग, कोंढवा परिसरतील घटना..

Pune Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.

अंगावरील सर्व कपडे काढून महिलेकडे पाहून अश्लील हावभाव करुन विनयभंग केल्याची संतापजनक घटना कोंढवा परिसरात घडली आहे. हा प्रकार मंगळवारी (ता.२६) सायंकाळी पाच ते सव्वापाच आणि यापूर्वी वेळोवेळी एनआयबीएम रोडवरील एका बिल्डिंगच्या समोरील मोकळ्या जागेत घडला आहे.

याप्रकणी एका महिलेने मंगळवारी (ता.२६) कोंढवा पोलीस ठाण्यात फिर्याद दिली आहे. त्यानुसार सिद्धांत विजय जाधव (रा.शिवनेरीनगर, कोंढवा खुर्द) याच्यावर गुन्हा दाखल करण्यात आला आहे.

मिळालेल्या माहिती नुसार, फिर्यादी महिला एनआयबीएम रोड वरील एका बिल्डिंगमध्ये राहते. आरोपी जाधव मंगळवारी सायंकाळी पाच वाजण्याच्या सुमारास महिलेच्या फ्लॅटच्या समोर असलेल्या मोकळ्या जागेत आला. Pune Crime

त्याने अंगावरील सर्व कपडे काढून महिलेकडे पाहून अश्लील हावभाव करुन महिलेच्या स्त्री मनास लज्जा उत्पन होईल असे कृत्य केले. दरम्यान, आरोपीने यापूर्वी देखील अशा प्रकारे गैरवर्तन केल्याचे फिर्यादीत नमूद केले आहे. पुढील तपास पोलीस उपनिरीक्षक बालाजी डिगोळे करीत आहेत.