Pune Crime : धक्कादायक! पुण्यात ४० रुपये उधार ठेवले नाही म्हणून तरुणाला कोयत्याने केली मारहाण..

Pune Crime  : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.

सध्या अशीच एक धक्कादायक घटना समोर आली आहे. पुण्यातील बिबेवाडी परिसरात ४० रुपये उधार ठेवले नाहीत म्हणून गुंडांकडून कोयत्याने मारहाण करण्यात आली आहे. केतन टेमघर असे आरोपीचे नाव आहे. Pune Crime

केतन वरती आहेत अनेक गुन्हे दाखल असून खुनाचा गुन्हा देखील त्याच्यावर आहे. सदर गुन्हेगाराची बिबेवाडी परिसरात मोठ्या प्रमाणात दहशत आहे. गेल्या काही दिवसांपासून पुण्यात गुन्हेगारीचे प्रमाण खूप वाढले आहे. यामुळे नागरिकांमध्ये मोठ्या प्रमाणात भीतीचे वातावरण निर्माण झाले आहे.

चार दिवसात पुण्यात ४ ठिकाणी गोळीबार..

दरम्यान, पुणे शहरात सलग चार दिवसात घडलेल्या चार गोळीबाराच्या घटना उघडकीस आल्या आहेत. पुण्यात पहिली घटना घडली जंगली महाराज रोडवर, दुसरी हडपसर मध्ये, तिसरी भुमकर चौक आणि आज पहाटे चौथी घटना घडली पुण्याच्या येरवडा परिसरात, यामुळे सांस्कृतिक राजधानी असलेली पुण्यनगरी आता पिस्तूल नगरी झाली आहे का? असा प्रश्न उपस्थित केला जात आहे.