Maharashtra Election 2024 : राज्यात विधानसभेच्या प्रचारासाठी पंतप्रधान मोदी, शहा, गडकरी घेणार सभा, जाणून घ्या कुठं मैदानात उतरणार…

Maharashtra Election 2024 : महाराष्ट्र विधानसभा निवडणुकांची रणधुमाळी सुरु झाली आहे. येत्या २० नोव्हेंबरला राज्यात विधानसभा निवडणुकांसाठी मतदान होणार आहे. तर २३ नोव्हेंबरला निकाल जाहीर होणार आहे. यंदा विधानसभा निवडणुकीत महायुती विरुद्ध महाविकासआघाडी अशी लढत पाहायला मिळणार आहे.

दरम्यान भाजपकडून जोरदार तयारी करण्यात आली आहे. पंतप्रधान नरेंद्र मोदी, केंद्रीय गृहमंत्री अमित शहा, मंत्री नितीन गडकरी यांच्यासह दिग्गज नेते महाराष्ट्रात सभा घेणार आहेत.

तसेच राज्यात भाजपकडून १०० हून अधिक सभांचे नियोजन करण्यात आले आहे. पंतप्रधान मोदींच्या पश्चिम महाराष्ट्रासह, विदर्भ, मुंबई -कोकण, उत्तर महाराष्ट्र आणि मराठवाड्यात एकूण ८ सभांचे नियोजन करण्यात आले आहे. Maharashtra Election 2024

दरम्यान, देवेंद्र फडणवीस, नितीन गडकरी आणि चंद्रशेखर बावनकुळे यांच्यावर अधिक सभांची जबाबदारी देण्यात आली आहे. त्याचबरोबर उत्तर प्रदेशचे मुख्यमंत्री योगी आदित्यनाथ यांच्याही १५ सभा होणार आहेत. गोवा, मध्य प्रदेश, हरियाणातील मुख्यमंत्री देखील महाराष्ट्र पिंजून काढणार आहेत, अशी माहिती आहे.

कोणत्या नेत्यांच्या किती सभा?

पंतप्रधान नरेंद्र मोदी – ८, अमित शहा – २०, नितीन गडकरी – ४०, देवेंद्र फडणवीस – ५०, चंद्रशेखर बावनकुळे – ४०, योगी आदित्यनाथ – १५.