रिंग रोडबाबत प्रक्रियेला वेग! आता ९० टक्के भूसंपादन, भूमिपूजनाचा मार्ग झाला मोकळा, येत्या तीन दिवसात सगळं पूर्ण होणार…

पुणे : पुण्यातील बहुचर्चित रिंग रोडचे काम लवकर सुरू होणार असल्याची माहिती आहे. राज्याचे मुख्यमंत्री देवेंद्र फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे यांची दोन-तीन दिवसात पुण्यातील रिंग रोड संदर्भात बैठक होणार आहे.

पुणे शहरा भोवती साकारण्यात येणाऱ्या रिंग रोडसाठी पश्चिम भागात ९६% जमीन संपादित झाली आहे. त्यामुळे लवकरच एका बाजूने काम सुरू करण्यात येईल. पुण्यातील रिंग रोडसाठी मुख्यमंत्री देवेंद्र फडवणीस, उपमुख्यमंत्री अजित पवार, एकनाथ शिंदे यांची लवकरच आढावा बैठक होणार आहे.

त्याबैठकीनंतर रिंग रोडचं भूमिपूजन कधी होणार? हे निश्चित होणार आहे. त्यामुळे रिंग रोडचे लवकरच भूमिपूजन होऊन प्रत्यक्ष काम सुरू होण्याचा मार्ग मोकळा झाला आहे. याबाबत मंगळवारी नवनियुक्त जिल्हाधिकारी जितेंद्र ड्युटी पत्रकार परिषद घेऊन माहिती दिली.

दरम्यान, पुणे आणि पिंपरी चिंचवड शहराभोवती 169 किलोमीटर लांबीचा आणि 110 मीटर रुंदीचा, रिंग रोड महाराष्ट्र राज्य रस्ते विकास महामंडळाच्या वतीने साकारण्यात येत आहेत. रिंग रोडसाठी आवश्यक 90% पेक्षा जास्त प्रमाणात पश्चिम भागात जमीन संपादित झाला आहे. नवीन सरकार आलं, खाते वाटप झाले, मात्र रिंग रोड भूमिपूजनाचा मुहूर्त लागत नसल्याने रिंग रोडचा प्रकल्प प्रकल्पाची चर्चा सुरू झाली आहे, त्यावर टीका टिपणी होते.