गळ्यात दोरी घालून रील बनविण्याची हुक्की आली जीवानिशी अंगलट, फास लागल्याचे मित्र पाहत होते, त्यांना वाटलयं नाटक करतोय …
भोपाळ : प्रदेशातील मुरैना येथे एका ११ वर्षाच्या मुलाचा रील बनवण्याच्या नादात मृत्यू झाला आहे. सातवीत शिकणाऱ्या विद्यार्थ्याचा धक्कादायक व्हिडिओ समोर आला आहे. हा व्हीडीओ सोशल मीडियावर व्हायरल झाला आहे.
रील तयार करण्यासाठी एका मुलाने गळ्यात दोरीचा फास घातला. मात्र, हा फास गळ्याभोवती आवळल्याने त्याचा मृत्यू झाला. विद्यार्थी हा गळ्यात फास लावून रील बनवत होता. यादरम्यान त्यांचा मृत्यू झाला. ही घटना अंबा येथे घडली.
करण परमार (वय. ११) असे मृत्यूमुखी पडलेल्या मुलाचे नाव आहे.
शनिवारी सायंकाळी ही घटना घडली. करण हा लेन रोडवरील मोकळ्या जागेवर इतर मुलांसोबत खेळत होता. दरम्यान, रील काढण्यासाठी त्याने गळफास घेतला. मात्र, गळ्याभोवती फास आवळल्याने तो तडफडू लागला. यावेळी त्याचे मित्रही तेथे होते.
त्याला त्यांनी तडफडतांना पाहिले. मात्र, तो नाटक करत असल्याचे सर्वांना वाटले. आणि त्यांनी त्याचा व्हिडिओ तयार केला. जीव गुदमारल्याने काही वेळातच करण बेशुद्ध झाला. हे पाहून मुले त्याच्याजवळ पोहोचली. तो हलत नसल्याचे त्यांच्या लक्षात आले. त्यानंतर मुले पळून गेली. ज्या मुलाने व्हिडिओ बनवला तोही त्याचा मोबाईल तिथेच टाकून पळून गेला.
या घटनेची माहिती मिळताच करणच्या कुटुंबीयांनी घटनास्थळ गाठले. त्याने त्याला फासातून काढले. व त्याला थेट रुग्णालयात नेले, मात्र, डॉक्टरांनी त्याला मृत घोषित केले.
दरम्यान, या घटनेने परिसरातल्या सगळ्यांना तर हळहळ वाटली असेल, पंरतु सोशल मीडिया ही एक राष्ट्रीय चिंता बनून गेली आहे, याचा देखील प्रत्यय या निमित्ताने आला आहे
