सरकारची मोठी घोषणा! ‘या’ कामगारांना 12 हजार रुपये निवृत्ती वेतन मिळणार, जाणून घ्या….

मुंबई : राज्याचे कामगार मंत्री आकाश फुंडकर यांनी एक मोठी घोषणा केली आहे. आता बांधकाम कामगारांसाठी महाराष्ट्र सरकारने मोठा निर्णय घेतला आहे. बांधकाम कामगारांना 60 वर्षे वयानंतर निवृत्ती वेतन मिळणार आहे. यामुळे कामगारांना मोठा दिलासा मिळाला आहे. याबाबत अनेक दिवसांपासून मागणी केली जात होती.

आता कामगार आणि त्यांच्या कुटुंबियांच्या भवितव्याच्या सुरक्षेसाठी हा निर्णय घेण्यात आल्याची माहिती मंत्री आकाश फुंडकर यांनी विधानसभेच्या सभागृहात दिली. मंडळाकडे नोंदणीकृत बांधकाम कामगारांना दरवर्षी 12 हजार रुपये निवृत्तीवेतन दिले जाणार आहे. 18 ते 60 वर्षे वयोगटातील बांधकाम कामगारांची मंडळाकडे नोंदणी करुन घेतली जाते.

त्यांना विविध योजनांचा लाभ दिला जातो, असं आकाश फुंडकर यांनी सांगितली. याबाबत माहिती अशी की, इमारत आणि इतर बांधकाम व्यवसायातील कामगारांच्या हिताच्या संरक्षणार्थ केंद्र सरकारने 1996 ला कायदा लागू केला आहे. त्या अनुषंगाने महाराष्ट्र राज्याने 2007 मध्ये नियम बनवले आहेत.

या नियमा अंतर्गत 2011 साली महाराष्ट्र इमारत व इतर बांधकाम कामगार कल्याण मंडळ मुंबईची स्थापना करण्यात आली आहे. मंडळाकडे नोंदणीकृत असलेल्या आणि वयाची 60 वर्षे पूर्ण केलेल्या बांधकाम कामगारांना दरवर्षी 12 हजार रुपये इतके निवृत्ती वेतन देण्यात येईल. यामध्ये कामगारांना 10 वर्षे नोंदणी कालावधी पूर्ण झाल्यानंतर त्यांना 50 टक्केच्या मर्यादेत प्रतिवर्षी 6 हजार, 15 वर्षे नोंदणी कालावधी पूर्ण झाल्यानंतर 75 टक्के मर्यादीत प्रतिवर्षी 9 हजार.

तसेच 20 वर्षे नोंदणी कालावधी पूर्ण झाल्यानंतर प्रतिवर्षी 12 हजार रुपये इतके निवृत्ती वेतन देण्यात येईल, अशी मोठी घोषणा आकाश फुंडकर यांनी केली आहे. यामुळे या कामगारांना मोठा दिलासा मिळाला आहे. याबाबत अनेक दिवसांपासून मागणी केली जात होती.