स्टारबक्स कॉफीच्या लोगोचा इतिहास तुम्हाला माहिती आहे का?, जाणून घ्या, आहे भयानक इतिहास…

नवी दिली : आज शहरी भागात एका चांगल्या ठिकाणी कॉफी प्यायचे म्हंटले तर अनेकांची पाऊले स्टारबक्सकडे वळताना दिसतात. स्टारबक्स आपल्या चांगल्या अँबियन्स आणि कॉफीमुळे ओळखली जाते. अनेक कॉर्पोरेट क्षेत्रात काम करणारी लोकं स्टारबक्सच्या कॅफेत आपली मीटिंग किंवा महत्वाची कामं करताना दिसतात.

स्टारबग्स म्हटलं की आपल्या डोळ्यासमोर येते ती हिरव्या रंगातील एक महिला आणि तिच्या मागे पांढरा रंग. खरंतर स्टारबग्सच्या प्रत्येक उत्पादनावर हा लोगो असतो. खरंतर कोणत्याही व्यवसायाची दोन महत्वाच्या गोष्टी असतात त्या म्हणजे त्याच्या प्रोडक्टची विक्री आणि त्याचं ब्रांडिंग आणि स्टारबक्सचं लोगो तर जगभरात प्रसिद्ध आहे. पण तुम्हाला स्टारबग्सच्या लोगोचा इतिहास माहितीय का? याबद्दल ऐकून तुम्हाला नक्कीच आश्चर्य वाटेल.

खरंतर स्टारबग्सचा लोगो म्हणजे एक अशी जलपरी आहे जिला दोन शेपट्या आहेत. तसेच या जरपरीच्या डोक्यावर एक मुकुट आहे ज्यावर एक स्टार देखील आहे. स्टारबक्सच्या वेबसाइटनुसार, कंपनीच्या स्थापनेपासून लोगोमध्ये अनेक बदल झाले आहेत, परंतु त्याची मूळ रचना सखोल अर्थ दर्शवते. 1971 मध्ये सिएटलमध्ये स्थापित झालेल्या या ब्रँडचा पहिला लोगो कॉर्पोरेट कलाकार टेरी हेकलरने तयार केला होता. प्राचीन पौराणिक कथांपासून प्रेरणा घेऊन त्यांनी या लोगोची रचना केली होती.

या लोगोमध्ये एक न्यूड किंवा नेकड असलेली जलपरी होती, जिला दोन शेपटी होत्या जो सायरन्सचं प्रतीक म्हणून वापरलं जात होता. सायरन तो आहे जो नावीक किंवा खलासींना आपल्या विनाशाकडे आकर्षीत करतो. जरी स्टारबक्स लोगोचे कालांतराने आधुनिकीकरण केले गेले असले तरी, त्याचे मुख्य घटक आणि सायरन अजूनही तेच आहेत. हा सायरन गूढता, प्रलोभन आणि ब्रँडच्या नॉटिकल असोसिएशनचे प्रतीक आहे. पण सध्याचा लोगो अधिक सोपी आणि आधुनिक आहे, परंतु लोगोचे अनन्य आणि खोल मूळ अजूनही अनेक लोकांना माहित नाही.

स्टारबक्सची वेबसाइट सायरनचे वर्णन “मोहक आणि रहस्यमय” म्हणून करते. त्याचे डिझायनर, टेरी हेकलर यांनी “कॉफीच्या सायरन गाण्याचे परिपूर्ण रूपक जे आपल्याला प्रत्येक वेळी आकर्षित करते” असे वर्णन केले आहे. पण तुम्ही हे स्पष्ट पाहू शकता की, स्टारबक्सच्या “भयानक” लोगोमध्ये कालांतराने बरेच बदल झाले आहेत. त्यांच्या मते, सायरनची निवड केवळ तिच्या जलपरीसारख्या दिसण्यामुळे झाली नाही, तर त्यामागे एक सखोल आणि प्रतीकात्मक कारण आहे.