लाडक्या बहिणींसाठी आनंदाची बातमी! एप्रिलला हप्ता ‘या’ तारखेला होणार जमा, जाणून घ्या…
मुंबई : राज्यात महत्वाची मुख्यमंत्री लाडकी बहीण योजना सतत चर्चेत असते. यामध्ये जुलै महिन्यापासून सुरू झालेल्या या योजनेचे 9 हफ्ते आत्तापर्यंत लाभार्थी महिलांच्या खात्यात जमा झाले आहेत. एप्रिल महिन्याचे पैसे कधी मिळणार असा प्रश्न महिलांच्या मनात आहे. आता याबाबत माहिती समोर आली आहे.
एप्रिल महिन्यात 30 तारखेला अक्षय्य तृतीया असून त्याच मुहूर्तावर लाडक्या बहिणींच्या बँक खात्यामध्ये हा हप्ता जमा होणार असल्याचे समजते. मुख्यमंत्री लाडकी बहीण योजनेचे पैसे हे बँक खात्यावर टाकण्याकरिता सरकारला आत्ता प्रत्येक महिन्यात उशीर होत आहे. यामुळे योजना पुढे सुरू राहणार की नाही याबाबत शंका आहे.
अक्षय तृतीयेच्या निमित्ताने एप्रिल महिन्याचा हप्ता 30 तारखेला महिलांच्या बँक खात्यात टाकण्यात येणार आहे. राज्य सरकारच्या निर्णयानुसार लाडकी बहिण योजनेचा हफ्ता प्रत्येक महिण्याच्या 8 तारखेला होणार असे सांगितलं गेले होते मात्र एप्रिलचा हफ्ता 30 तारखेला मिळणार आहे. यामुळे महिलांमध्ये चिंता आहे.
दरम्यान, विधानसभा निवडणुकीत महायुतीसाठी ही योजना गेमचेंजर ठरली, पण विरोधकांच्या निशाण्यावरही ही योजना खूप आली. लाडकी बहीण योजनेचा गैरवापर झाल्याचा धक्कादायक प्रकार उघडकीस आला आहे. बनावट कागदपत्रांद्वारे लाडक्या बहीणींच्या नावे अर्ज करण्यात आले आहेत. यामुळे अनेकांची नावे कमी केली आहेत.
दरम्यान, मुख्यमंत्री माझी लाडकी बहीण’ योजनेतील अपात्र अर्जाची पडताळणी केली जाईल, असे राज्य सरकारकडून जानेवारीत जाहीर करण्यात आले होते. मात्र नंतर असे काही घडले नाही. यामुळे याबाबत शंका उपस्थित केली जात आहे.
