Crime News : रेल्वे स्टेशनवर मनोरुग्णाने २ जणांना संपवल, हत्येच्या घटनेने उडाली खळबळ….
Crime News : एका मनोरुग्णाने केलेल्या हल्ल्यात दोघांचा मृत्यू झाला तर दोन जण रुग्णालयात मृ्त्यूशी झुंज देत आहेत. अशी धक्कादायक घटना समोर आली आहे. हा प्रकार नागपूर रेल्वे स्थानकावर हत्येचा भीषण थरार घडला आहे.
जयराम केवट असे आरोपीचे नाव असून तो ३५ वर्षांचा आहे.
नागपूरच्या रेल्वे स्थानकावरील फलाट क्रमांक सातवर ही धक्कादायक घटना घडली. या घटनेने गर्दीच्या वेळी स्थानकावर एकच खळबळ उडाली. आरोपी हल्ला करुन पळत असताना रेल्वे कर्मचाऱ्यांनी रेल्वे रुळावर आरोपीचा पाठलाग करुन त्याला पकडले आणि पोलिसांच्या ताब्यात दिले आहे.
नागपूर रेल्वे स्थानकाच्या फलाट क्रमांक सातवर ऐन गर्दीच्यावेळी एक मनोरुग्ण हातात लाकडी राफटर घेऊन स्थानकावर उभ्या असलेल्या लोकांवर हल्ला करत सुटला. रेल्वे रुळाच्या कामासाठी वापरात येणाऱ्या लाकडी राफ्टरने लोकांवर तो हल्ले करत होता. हल्ला केल्यानंतर आरोपी रेल्वे रुळावरुन पळू लागला. त्याचवेळी रेल्वे कर्मचा-यांनी जीवाची बाजी लावत आरोपीचा पाठलाग करुन त्याला पकडले. Crime News
दरम्यान, अचानक घडलेल्या या घटनेने स्थानकावर एकच खळबळ उडाली. लोकं सैरावैरा पळू लागली. आरोपीने चार लोकांवर हल्ला केला. यात अतिरक्तस्त्रावामुळे दोघांचा मृत्यू झाला. तर दोघांना तात्काळ रुग्णालयात दाखल करण्यात आलं. त्यांची मृत्यूशी झुंज सुरु आहे. आरोपी मनोरुग्ण असल्याची माहिती मिळतेय. याबाबत नागपूर लोहमार्ग पोलीस अधिक तपास करत आहेत.
