Crime News : अल्पवयीन मुलीचा शिक्षकाकडून विनयभंग, कोचिंग क्लासमध्ये धक्कादायक प्रकार आला समोर…

Crime News : राज्यात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.

नांदेड शहरातील एका खाजगी कोचिंग क्लासमध्ये शिकणाऱ्या अल्पवयीन मुलीचा विनयभंग झाल्याचा संतापजनक प्रकार उघड झाला आहे. त्यानंतर संतप्त नातेवाईक आणि काही सामाजिक कार्यकर्त्यांनी जाब विचारत क्लासमध्ये घुसून तोडफोड केली.

या घटनेचा व्हीडीओ समाज माध्यमावर व्हायरल झाला. या प्रकरणात शिक्षकाच्या विरोधात गुन्हा नोंदविण्यात आला आहे.

सविस्तर माहिती अशी की, शहरातील जिजाई कोचिंग क्लासमधील शिक्षक नागेश जाधव याने अल्पवयीन मुलीला पेपर देण्याच्या बहाण्याने कार्यालयात बोलविले होते. या ठिकाणी शिक्षक जाधव याने मुलीशी अश्लील चाळे केले. ही बाब काही कार्यकर्त्यांना समजल्याने त्यांनी कोचिंग क्लास गाठत शिक्षकांना जाब विचारला. Crime News

त्यांच्या उत्तराने समाधान न झाल्याने त्यांनी क्लासमध्ये तोडफोड केली.दरम्यान, या प्रकरणात मध्यरात्री भाग्यनगर पोलिस ठाण्यात ५५ वर्षीय आरोपी नागेश जाधव याच्या विरोधात पोस्को आणि अ‍ॅट्रॉसिटी कलमांतर्गत गुन्हा दाखल करण्यात आला आहे. पोलिसांनी आरोपीला ताब्यात घेतले असून तपास सुरू आहे.