मोठी बातमी! पूजा खेडकरच्या अटकेचा मार्ग मोकळा, हायकोर्टाने घेतला मोठा निर्णय…
दिल्ली : गेल्या काही दिवसांपासून राज्यात पूजा खेडकर प्रकरण गाजत आहे. तिच्यावर युपीएससीकडून गुन्हा दाखल करण्यात आला होता. तसेच परीक्षा देण्यास बंदी घालण्यात आली आहे. या प्रकरणात पूजा खेडकर यांनी यूपीएससीच्या अपात्रतेला आव्हान दिलं होतं.
पूजा खेडकर यांनी दिल्ली हायकोर्टात दाखल केलेल्या प्रतिज्ञापत्रात नवीन माहिती सादर केली होती. १२ वेळा युपीएससी परीक्षा दिली असली तरी केवळ दिव्यांग कॅटगरीत दिलेली परीक्षा गृहीत धरावी अशी विनंती पूजा खेडकर यांनी कोर्टात केली होती. आता मात्र एक मोठी बातमी समोर आली आहे.
दरम्यान, आता अपंगत्वाच्या बनावट कागदपत्रांद्वारे IAS केडर मिळवणाऱ्या वादग्रस्त प्रशिक्षणार्थी पूजा खेडकरला दिल्ली उच्च न्यायालयाने मोठा दणका दिला आहे. न्यायालयाने पूजा यांचा अटकपूर्व जामीन फेटाळला आहे. यामुळे आता तिला अटक होण्याची शक्यता आहे.
पूजा खेडकर यांनी एकूण १२ वेळा परीक्षा दिली आहे. त्यापैकी पाच वेळा दिव्यांग कॅटगरीतून परीक्षा दिली. त्यामुळे बाकीचे ७ वेळा दिलेल्या परीक्षा गृहीत धरू नये, अशी विनंती पूजा खेडकर यांनी दिल्ली हायकोर्टाकडे केली होती.
मला सर्वच विभागांनी रितसर प्रमाणपत्र दिले आहेत. नाव आणि आडनाव बदलले नाही. तर फक्त मधले नाव बदलले आहे. त्यामुळे नावात मोठा फेरफार केला यात तथ्य नाही. असं पूजा खेडकर यांनी आपल्या प्रतिज्ञापत्रात म्हटलं होतं. आता तिच्या अडचणीत वाढ झाली आहे.
याबाबत यूपीएससीकडून बनावट कागदपत्राद्वारे फसवणूक केल्या प्रकरणी दिल्ली पोलिसांकडे गुन्हा दाखल केला होता. नंतर पूजा यांनी अटकपूर्व जामीनासाठी अर्ज केले होता. मात्र, न्यायालयाने पूजा यांचा अटकपूर्व जामीन फेटाळला आहे.
