Beed News : शाळेच्या आवारातच गुरुजींचे अश्लील कृत्य, कारनामे करत असतानाचे व्हिडिओ व्हायरल, राज्यात खळबळ…

Beed News : बीडमध्ये एक धाकादायक घटना समोर आली आहे. इथे शिक्षकी पेशाला काळीमा फासणारी घटना समोर आल्याने एकच खळबळ उडाली आहे. एका शाळेच्या आवारात दोन शिक्षक अश्लील कृत्य करतानाचे व्हिडिओ समोर आले आहेत.

व्हिडिओ क्लिप सोशल मीडियावर व्हायरल केल्याबद्दल शाळेच्या मुख्याध्यापकांनी ९ डिसेंबर रोजी शिक्षकावर तसेच त्याच्या सोबत असलेल्यांविरोधात तक्रार दाखल केली. या घटनेमुळे पालकांमध्ये मोठी संतापाची लाट उसळली आहे. तसेच, शाळा व्यवस्थापनानेही यावर तीव्र आक्षेप घेतला आहे.

तक्रारीनुसार, बीड शहर पोलिसांनी पुरुष शिक्षकाविरुद्ध गुन्हा दाखल केला आहे. मुख्य आरोपी फरार असल्याची माहिती मंगळवारी बीड शहर पोलिसांचे वरिष्ठ निरीक्षक सुरेश चाटे यांनी दिली. त्याच्या मालकीचे चार मोबाइल बंद आहेत. तो पुण्याचा असल्याची माहिती आहे, आम्ही शोध पथके पुण्याला पाठवत आहोत, असंही त्यांनी सांगितले आहे. Beed News

शाळा व्यवस्थापनाने पोलिसांकडे केलेल्या तक्रारीनुसार, अल्पसंख्याक शैक्षणिक संस्थेत शिक्षक म्हणून काम करणाऱ्या एका पुरुष आणि महिला यांनी परीक्षा विभाग आणि कॅम्पसमधील इतर आवारात अश्लील कृत्य केलं.

दरम्यान, या कृत्याचा व्हिडिओही शूट केल्याचा आरोप करण्यात आला आहे. हे व्हिडिओ सोशल मीडियावर शेअर करण्यात आले होते, असंही तक्रारीत सांगण्यात आले आहे.