Ajit Pawar : अजित पवार विठ्ठलाच्या वारीत पायी चालणार, बारामती ते काटेवाडी चालत होणार सहभागी…
Ajit Pawar : पाऊले चालती पंढरीची वाट… माऊली.. माऊली… म्हणत लाखो वारकरी पंढरीच्यादिशेने निघाले आहेत. ऊन, पाऊस, वारा कशाचीही तमा न बाळगता विठ्ठल नामाचा जप करत वारीत पाऊले चालत आहेत.
महाराष्ट्रात यंदा प्रथमच वारीत सहभागी होणाऱ्या दिंड्यांना राज्य सरकारकडून प्रति दिंडी २० हजार रुपयांची मदत दिली जाणार आहे. त्यामुळे यंदाच्या वारीत राजकीय नेत्यांचा सहभागही चर्चेचा विषय ठरला आहे. या दिंडीत स्वत: शरद पवार सहभागी होणार असून राहुल गांधी यांनाही पंढरपूर वारीमध्ये सहभागी होण्याचे निमंत्रण देण्यात आले आहे.
मिळालेल्या माहिती नुसार, उपमुख्यमंत्री अजित पवार यांनीही दिंडीत सहभागी होणार असल्याचे जाहीर केले आहे. विधानसभेच्या अधिवेशनात अजित पवार यांनी वारीचे महत्त्व आणि सरकारच्या निर्णयाची माहिती दिली आणि आपणही वारीमध्ये सहभागी होणार असल्याचे सांगितले. यंदा देवशयनी आषाढी एकादशी 17 जुलै रोजी असल्याने सर्वत्र उत्साहाचे वातावरण आहे.
विधानसभेत वारीबाबत बोलताना अजित पवार म्हणाले की, दिंडीतून जाताना कार्यकर्त्यांना अनेक अडचणींचा सामना करावा लागतो, त्यामुळे वारकरी संप्रदाय निगम आणि सरकारने वारीतील प्रत्येक दिंडीला २० हजार रुपये देण्याचा निर्णय घेतला आहे. Ajit Pawar
मी अर्थसंकल्प मांडत असताना मुख्यमंत्री एकनाथ शिंदे यांनी आळंदी येथे पालखी सोहळ्यात सहभागी होऊन दर्शन घेतले होते. पुण्यातील वारी उत्सवात उपमुख्यमंत्री देवेंद्र फडणवीसही सहभागी झाले होते. मी अजून जाऊ शकलो नसलो तरी पालखी बारामतीत मुक्कामासाठी येत आहे. मी सकाळपासून काटेवाडीला वारीत फिरेन. असं अजित पवार म्हणाले आहेत.
