सोन्याच्या दरात मोठी उसळी; एकाच दिवसात 12 हजारांची वाढ, मोडले सर्व रेकॉर्ड, सोने-चांदीच्या ताज्या भावाने अंगावर काटा…

नवी दिल्ली : सणासुदीच्या पार्श्वभूमीवर सोन्या-चांदीचे भाव पुन्हा वाढू लागले आहेत. आणि गेल्या आठवडाभरात त्यात झपाट्याने वाढ झाली आहे . गेल्या काही दिवसापासून सोन्याच्या दरात सातत्यानं वाढ होत आहे.

त्यामुळं सोनं खरेदी करावं की नको असा सवाल नागरीकांमधून उपस्थित केला जात आहे. सोन्याची खरेदी करणाऱ्यांसाठी मोठी आणि महत्वाची बातमी आहे. आज पुन्हा सोन्याच्या दरात मोठी वाढ झाली आहे.

गेल्या 24 तासात चांदीच्या दरात तब्बल 12 हजार रुपयांची वाढ झाली आहे.चांदीचे दर जीएसटीसह 2 लाख 28 हजार 660 रुपयांच्या ऐतिहासिक विक्रमी उच्चांकीवर पोहोचले. सोन्याच्या दरात देखील 700 रूपयांची वाढ झाली जीएसटीसह सोन्याचे दर 1 लाख 40 हजार 801 रुपयांच्या विक्रमी उच्चांकीवर पोहोचले. सोन्या आणि चांदीच्या दरात सलग तिसऱ्या दिवशी दरवाढ सुरूच आहे.या दरवाढीने ऐन थंडीत ग्राहक घामाघूम झाला आहे.

दरम्या, यावर्षात सोने आणि चांदीच्या किंमतीत चढउतार दिसून आला. नवीन वर्षाच्या सुरुवातीला सोने अजून रेकॉर्ड मोडण्याची शक्यता वर्तवण्यात येत आहे. देशातील बाजारात 24 डिसेंबर रोजी 24 कॅरेट सोन्याचा भाव जवळपास 380 रुपयांनी वधारला.

सोने प्रति 10 ग्रॅम 1,38,930 रुपयांवर आले आहे. काल हाच भाव प्रति 10 ग्रॅम 1,38,550 रुपये इतका आहे. चांदीत तर बम्पर वाढ झाली आहे. एका किलोमागे चांदी देशातील बाजारात 10 हजारांची वाढ झाली आहे. एक किलो चांदीचा भाव 2,33,000 रुपये इतका आहे.

इंडियन बुलियन्स अँड ज्वेलर्स असोसिएशनकडून सोने आणि चांदीचा भाव जाहीर झाला आहे. 24 डिसेंबर रोजी 24 कॅरेट सोने 1,36,635 रुपये, 23 कॅरेट 1,36,088, 22 कॅरेट सोने 1,25,158 रुपयांवर आहे. 18 कॅरेट आता 1,02,476 रुपये, 14 कॅरेट सोने 79,931 रुपये प्रति 10 ग्रॅमवर आहे.

एक किलो चांदीचा भाव 2,18,954 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.