Google Pay, PhonePe युजर्स लक्ष द्या, 1 तारखेपासून लागू होणार नवे नियम…
पुणे : तुम्ही गुगल पे किंवा फोन पे वापरत असाल तर ही बातमी तुमच्यासाठी खूप महत्वाची आहे. कारण, आता नियम बदलणार आहे. त्यामुळे ही बातमी संपूर्ण वाचा. तुम्ही UPI च्या माध्यमातून कोणत्याही प्रकारचं पेमेंट स्वीकारणार असला किंवा पाठवणार असाल तर त्यापूर्वी हे नियम जाणून घ्या….
नॅशनल पेमेंटकॉर्पोरेशन ऑफ इंडियाने एक महत्त्वाचा निर्णय घेतला आहे. १ ऑगस्ट २०२५ पासून UPI शी संबंधित काही नवीन नियम लागू होणार आहेत. ऑनलाइन पेमेंट अधिक सुरक्षित, जलद आणि सुलभ करता यावे यासाठी हे नियम आणले जात आहेत. जर तुम्ही गुगल पे, फोनपे, पेटीएम किंवा कोणतेही UPI अ‍ॅप वापरत असाल तर हे नवे नियम तुमच्यासाठी खूप महत्वाचे आहेत.
दरम्यान, या नव्या नियमांनुसार, कोणताही युजर आता दिवसातून केवळ 25 वेळा आपले लिंक केलेले बँक खाते पाहू शकणार आहे. त्याचबरोबर बॅलन्स तपासण्याची मर्यादाही निश्चित करण्यात आली आहे, युजर जास्तीत जास्त 50 वेळा आपला बॅलन्स तपासू शकणार आहे.
याशिवाय जर तुम्हाला एखाद्या व्यवहाराची स्थिती जाणून घ्यायची असेल तर आता तुम्ही दिवसातून फक्त 3 वेळा त्याचे स्टेटस तपासू शकता आणि तेही प्रत्येक वेळी 90 सेकंदाच्या अंतराने… म्हणजेच वारंवार ट्रान्झॅक्शन स्टेटस जाणून घेण्यासाठी तुम्ही अ‍ॅप रिफ्रेश करू शकणार नाही .
तुम्ही व्यवहाराची स्थिती पुन्हा पुन्हा तपासू शकणार नाही..
NPCI चे म्हणणे आहे की, एप्रिल ते मे 2025 या कालावधीत व्यवहारात बिघाड आणि विलंबाच्या अनेक तक्रारी आल्या. युजर्सकडून वारंवार बॅलन्स चेक आणि सतत ट्रान्झॅक्शन स्टेटस ट्रॅकिंगमुळे सिस्टीमवर प्रचंड ताण पडत असल्याचे तपासात समोर आले आहे.
त्यामुळे अनेकवेळा पेमेंट फेल होत होते किंवा खूप उशीर होत होता. या मर्यादांमुळे सिस्टीमवरील भार तर कमी होईलच, शिवाय पेमेंटचा वेगही सुधारेल आणि युजरला सहज अनुभव मिळेल.
मात्र, UPI मधून होणाऱ्या जास्तीत जास्त व्यवहारांमध्ये कोणताही बदल करण्यात आलेला नाही. पूर्वीप्रमाणेच तुम्ही एका वेळी जास्तीत जास्त 1 लाख रुपयांपर्यंत पैसे भरू शकता. वैद्यकीय किंवा शिक्षणाशी संबंधित व्यवहारांसारख्या काही प्रकरणांमध्ये ही मर्यादा 5 लाख रुपयांपर्यंत आहे.
एकाच वेळी यंत्रणेवर अधिक रहदारी होऊ नये, यासाठी ऑटोपे व्यवहारांसाठी ही ठराविक वेळ निश्चित करण्यात येत आहे. हे सर्व बदल आपल्या UPI अ‍ॅप्समध्ये आपोआप अपडेट होतील, कोणत्याही मॅन्युअल स्टेप्सची आवश्यकता नाही.
