रक्तानं माखलेली तलवार घेऊन १९ वर्षांचा मुलगा पोलिस स्टेशनमध्ये हजर झाला, पोलिसांना म्हणाला….,घटनेने साताऱ्यात खळबळ
सातारा : जिल्ह्यातील खंडाळा तालुक्यामधील शिरवळमध्येधक्कादायक घटना घडली आहे. पूर्व वैमनस्याच्या रागातून एका १९ वर्षीय मुलानं तलवारीनं वार करत २२ वर्षीय तरुणाची हत्या केल्याची खळबळजनक घटना समोर आली आहे.
तेजस महेंद्र निगडे (वय.१९) याने असं या आरोपीचं नाव आहे. तर अमर उर्फ चंदू शांताराम कोंढाळकर (वय.२२) असे खून झालेल्या तरुणाचे नाव आहे. तरुणाचा खून केल्यानंतर आरोपी आरोपी तेजस रक्ताने माखलेली तलवारी घेऊन पोलीस ठाण्यात हजर झाला.
मिळालेल्या माहितीनुसार, शिरवळ गावच्या हद्दीत जुन्या औद्योगिक वसाहतीमधील रात्री साडेअकरा वाजण्याच्या सुमारास एका कंपनीलगत असणाऱ्या चौकात ही घटना घडली आहे. आरोपीने चंदू शांताराम कोंढाळकर या तरुणावर तलवारीने सपासप वार करीत खून केला.
पूर्वीच्या भांडणातून ही घटना घडली असल्याचे पोलिसांकडून सांगण्यात आले. या घटनेचे गांभीर्य लक्षात घेऊन शिरवळ पोलिसांनी संशयित तरुणाला ताब्यात घेतले आहे.या घटनेमुळे खंडाळा तालुक्यासह भोर तालुक्यात खळबळ उडाली आहे.
दरम्यान, घटनेची माहिती मिळाल्यानंतर जिल्हा पोलीस अधीक्षक यांच्या मार्गदर्शनाखाली अपर पोलीस अधीक्षक डॉ. वैशाली कडुकर, फलटण पोलीस उपविभागीय अधिकारी राहुल धस, शिरवळ पोलीस निरीक्षक संदीप जगताप घटनास्थळी दाखल झाले. दरम्यान, या ही हत्या नेमकी का करण्यात आली? या हत्येमागे आणखी काही माहिती समोर येतेय का? याबाबतचा तपास पोलिस प्रशासन करत आहे.
