Pune Crime : पुण्यात भयंकर घटना, प्रियसीने संपर्क तोडल्याने प्रियकराने झाडल्या बहिणीवर गोळ्या…

Pune Crime : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.

सध्या अशीच एक धक्कदायक घटना समोर आली आहे. प्रेयसीने संपर्क तोडल्याच्या रागातून तरुणाने तिच्या बहिणीवर गोळ्या झाडल्याची धक्कादायक घटना पुण्यातील गंज पेठेत घडली. या घटनेने नंतर एकच खळबळ उडाली आहे.

सविस्तर माहिती अशी की, आरोपी ऋषी बागुल हा त्याच्या मित्रासोबत रात्री २ वाजण्याच्या सुमारास त्याच्या प्रेयसीला भेटण्यासाठी तिच्या राहत्या घरी आला होता. यावेळी प्रेयसीच्या बहिणीसोबत त्याची झाली आणि त्यांच्यात वाद सुरू झाले.

ऋषी बागुल याच्या प्रेयसीने त्याच्याशी संपर्क कमी करुन त्याचा मोबाईल नंबर ब्लॉक केल्याने त्याला राग आला. तसेच ती न भेटल्यामुळे त्याचा राग अनावर झाला. याच गोष्टीचा राग मनात धरून त्याने त्याच्याकडील पिस्टल प्रेयसीच्या बहिणीवर रोखून जिवे मारण्याच्या उद्देशाने गोळीबार केला. Pune Crime

मला जर ती मिळाली नाही तर मी कोणालाही सोडणार नाही” अशी धमकीही त्याने यावेळी दिली, तसेच त्याने प्रेयसीच्या राहत्या घराला बाहेरुन कडी लावून दोघेही निघुन गेले.या गोळीबारात फिर्यादी यांची दुसरी बहीण किरकोळ जखमी झाली आहे.

दरम्यान, या घटनेनंतर खडक पोलीस ठाण्यात ऋषी बागुल आणि त्याच्या साथीदाराविरोधात तक्रार दाखल करण्यात आली आहे. पोलीस याप्रकरणी अधिक तपास करत आहेत.