Accident News : उदगीर-निलंगा मार्गावर भीषण अपघात! कार ट्रकला धडकली, ४ जणांचा मृत्यू…

Accident News : राज्यात अपघातांच्या घटनेत अलीकडे वाढ होताना दिसत आहे. सध्या अशीच एक घटना समोर आली आहे. उदगीर-निलंगा राज्य मार्गावर असलेल्या धनेगावजवळ ट्रक व कारच्या भीषण अपघातात चार जण जागीच ठार झाले.

हा आज (ता.१०) दुपारी अपघातातील मृत मध्य प्रदेशातील इंदौर येथील कापडाचे व्यापारी असल्याची प्राथमिक माहिती समोर आली आहे. Accident News

मिळालेल्या माहिती नुसार, आज दुपारी कार (एमपी ०९ डीई ५२२७) वलांडीहून निलंग्याकडे जात होती. यावेळी समोरून येणारा ट्रक (एमएच २५ जे ७३६५) आणि कारची जोराची धडक झाली. या अपघातात कारमधील चौघांचा जागीच मृत्यू झाला.

अपघात इतका भीषण होता की, कारचा चेंदामेंदा झाला आहे. जेसीबीच्या सहाय्याने कार बाजूला काढण्यात आली. यावेळी देवणी पोलिस ठाण्याचे सपोनि माणिकराव डोके व सहकारी यांनी घटनास्थळी दाखल होत

मृतदेह वलांडी येथील प्राथमिक आरोग्य केंद्रात शवविच्छेदनासाठी नेण्यात आले. घटनास्थळी नागरिकांनी मोठी गर्दी केली होती. मृतांची ओळख पटविण्याचे काम पोलिसांकडून सुरू आहे.