शाळकरी मुलांना रस्त्यात गाठते महिला; चॉकलेटचं आमिष अन् ‘तो’ डाव, ‘त्या’ प्रकारामुळे पालकांमध्ये खळबळ
पुणे : शाळा सुटल्यानंतर किंवा क्लासला जाताना लहान मुले अनेकदा एकटी रस्त्याने जात असल्याचे दिसते. याच दरम्यान मुळशी तालुक्यातील शिंदेवाडी परिसरात मुलांच्या सुरक्षिततेबाबत संशय निर्माण करणारी एक घटना समोर आली आहे.
नागरिकांकडून मिळालेल्या माहितीनुसार, काही दिवसांपासून या परिसरात शाळकरी मुलांजवळ अनोळखी व्यक्तींच्या हालचाली दिसून आल्याचे सांगितले जात आहे. विशेषतः शाळेतून किंवा घराबाहेर एकटे जाणाऱ्या मुलांशी संवाद साधण्याचे प्रयत्न होत असल्याची तक्रार स्थानिकांनी केली आहे.
नुकत्याच घडलेल्या एका प्रसंगात, एका अनोळखी महिलेने लहान मुलांशी पत्ता विचारण्याच्या बहाण्याने संवाद साधल्याचे सांगितले जाते. त्यानंतर काही वेळातच दुचाकीवरून आलेल्या काही अनोळखी व्यक्तींनीही परिसरात हालचाल केल्याची माहिती स्थानिकांनी दिली आहे.
या घटनांमुळे शिंदेवाडी आणि आसपासच्या भागात पालकांमध्ये चिंता निर्माण झाली आहे. नागरिकांनी पोलिस प्रशासनाकडे परिसरात गस्त वाढवण्याची आणि अशा संशयास्पद हालचालींची चौकशी करण्याची मागणी केली आहे.
दरम्यान, प्रशासनाने नागरिकांना आवाहन केले आहे की, कोणतीही खात्री न झालेली माहिती किंवा अफवा पसरवू नयेत. तसेच पालकांनी आपल्या मुलांच्या सुरक्षिततेबाबत अधिक सतर्क राहावे आणि गरज असल्यास स्थानिक पोलिसांना तातडीने माहिती द्यावी.
