आज सोनं-चांदीच्या दरात काय बदल? वाढ की घट, जाणून घ्या अपडेट..
नवी दिल्ली : आंतरराष्ट्रीय बाजारातील घडामोडी, भू-राजकीय तणाव आणि कच्च्या तेलाच्या किमतीतील चढ-उतार यांचा थेट परिणाम देशांतर्गत सराफा बाजारावर दिसून येत आहे. मागील काही दिवसांपासून सोन्याच्या दरात सातत्याने घट होत असून, गेल्या पाच व्यावसायिक दिवसांत ही तिसरी मोठी घसरण नोंदवली गेली आहे.
सोमवारी झालेल्या व्यवहारात २४ कॅरेट सोन्याचा दर प्रति ग्रॅम २२ रुपयांनी कमी होऊन १५,२१३ रुपयांवर पोहोचला. त्याचप्रमाणे २२ कॅरेट सोन्याचा दर २० रुपयांनी घसरून १३,९४५ रुपये प्रति ग्रॅम इतका राहिला. १८ कॅरेट सोन्याच्या किमतीतही घट दिसून आली असून तो ११,४१० रुपये प्रति ग्रॅमवर आला आहे. दरम्यान, चांदीचे दर मात्र स्थिर राहिले.
बाजार तज्ज्ञांच्या मते, आंतरराष्ट्रीय सराफा बाजारात सध्या मजबुतीचे संकेत दिसत असले तरी देशांतर्गत बाजारात सतत बदल जाणवत आहेत. त्यामुळे पुढील काही दिवस सोन्याच्या दरात चढ-उतार राहण्याची शक्यता व्यक्त केली जात आहे.
मंगळवार, १२ मे २०२६ रोजीच्या ताज्या दरांनुसार, २४ कॅरेट सोने १५,३४४ रुपये प्रति ग्रॅम, २२ कॅरेट सोने १४,०६५ रुपये प्रति ग्रॅम आणि १८ कॅरेट सोने ११,५०८ रुपये प्रति ग्रॅम इतक्या पातळीवर आहे. गुंतवणूकदारांनी सध्याच्या बाजारस्थितीकडे लक्ष ठेवून निर्णय घेणे गरजेचे असल्याचे तज्ज्ञांचे मत आहे.
