Weather Update : मोठी बातमी ! देशात थंडीची लाट येण्याची शक्यता , देशातील अनेक राज्यात तापमान घटणार ..!!

(Weather Update) नवी दिल्ली : येत्या दोन दिवसांतपूर्ण देशात कडाक्याची थंडी पडणार असून थंडीसह काही राज्यांत दाट धुके व हलका पाऊस पडण्याची शक्यता हवामान विभागाने वर्तविली आहे.

हवामान खात्याने दिलेल्या माहितीनुसार, दिल्लीचे किमान तापमान 9 अंश सेल्सिअस घसरणार आहे. तर पंजाब आणि हरियाणाच्या विविध भागात आज सकाळी दाट धुके दिसणार तर येत्या दोन दिवसांत तामिळनाडू आणि केरळमधील विविध जिल्ह्यांमध्ये हलक्या पावसाचा अंदाज हवामान खात्याने वर्तवला आहे. Weather Update

 

जम्मू-काश्मीरमध्ये आज हलका बर्फवृष्टीचा पाऊस होण्याची शक्यता आहे. पुढील 5 दिवसांत आसाम, मेघालय, त्रिपुरा, उत्तर पंजाब आणि उत्तर हरियाणाच्या वेगवेगळ्या भागात सकाळी दाट धुके पडण्याची शक्यता आहे. 18 डिसेंबरपासून मध्य प्रदेशातील अनेक भागांमध्ये किमान तापमान 2-3 अंश सेल्सिअसने घसरेल. पुढील 2 दिवसांत वायव्य भारतातील अनेक भागांमध्ये रात्रीचे तापमान सुमारे 2 अंश सेल्सिअसने वाढेल.

 

काश्मीरमध्ये पाऊस आणि बर्फवृष्टीचा इशारा

शनिवारी काश्मीरच्या काही भागात पावसासोबत हिमवृष्टी झाली. हवामान खात्याने दिलेल्या माहितीनुसार, सोनमर्ग, झोजिला आणि गुलमर्गमध्ये सुमारे सहा इंच बर्फवृष्टी झाली असून पावसासोबत हिमवृष्टीचे वातावरण आज म्हणजेच रविवारीही कायम राहणार आहे. आज रात्री तापमानात १ ते ३ अंशांनी घट होण्याची शक्यता आहे. Weather Update