पुणे जिल्ह्यातील ‘या’ साखर कारखान्याचा देशात डंका!! पहिल्या नंबरचा मानाचा पुरस्कार जाहीर….
पुणे : विविध क्षेत्रात उत्तम काम करणाऱ्या २५ सहकारी साखर कारखान्याचा गौरव करण्यात आला आहे. यामध्ये देशातील सर्वोत्तम सहकारी साखर कारखाना म्हणून पुण्यातील कारखान्याची घोषणा करण्यात आली आहे. देशातील सर्व सहकारी साखर कारखान्यांचे गुणवत्ता, ऊस गाळप यावर आधारित मूल्यमापन करून उत्तम कामगिरी करणाऱ्या कारखान्यांना गौरवण्यात येते.
यंदाच्या वर्षाचे संपूर्ण देशातील सर्वोत्कृष्ट सहकारी साखर कारखान्यासाठीचे मानाचे वसंतदादा पाटील पारितोषिक भीमाशंकर सहकारी साखर कारखाना लि, दत्तात्रयनगर, ता. आंबेगाव, जि. पुणे या कारखान्याला मिळाले आहे. यामुळे ही एक आनंदाची बातमी आहे.
सर्व राज्यातील साखर कारखान्यांचा विचार केला तर एकूण २५ पारितोषिकात महाराष्ट्राने १० पारितोषिके मिळवून प्रथम क्रमांक पटकाविला आहे. तसेच दुसऱ्या क्रमांकावरील तमिळनाडूला ५ पारितोषिके प्राप्त झाली आहेत. उत्तर प्रदेशने ४, पारितोषिकांसह तिसरा क्रमांक, गुजरातने ३ पारितोषिकात सह चौथा क्रमांक मिळवला आहे.
दरम्यान, राष्ट्रीय सहकारी साखर कारखाना महासंघ या शिखर संस्थेमार्फत दरवर्षी देशातील सहकारी साखर कारखान्यांचे मूल्यांकन करण्यात येते. यावेळी राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील उपस्थित होते.
