ऐन दिवाळीत पुण्यात वातावरण तापलं ; शनिवारवाड्यात नमाज पठाण? भाजप खासदाराचा गंभीर आरोप…
पुणे : पुण्याचे वैभव असलेल्या शनिवारवाड्यात मुस्लीम नमाज पठण करत असल्याचा दावा करणारी चित्रफित भाजपा खासदार मेधा कुलकर्णी यांनी आपल्या समाज माध्यमांवर प्रसिद्ध केली आहे. त्यांच्या एक्सवरील पोस्ट नंतर ऐन दिवाळीत पुण्यातील वातावरण चांगलेच तापले आहे
खासदार मेधा कुलकर्णी यांच्या या पोस्टनंतर समाज माध्यमांवर चित्रफित वेगाने पसरली झाली असून, चित्रफित नेमकी कधी चित्रित केली याबद्दलची माहिती समोर येऊ शकलेली नाही. किंबहुना पोलिसांकडून या संदर्भात कोणतीही अधिकृत माहिती देण्यात आलेली नाही.शनिवारवाडा ऐतिहासिक वारसा स्थळ आहे की गैर हिंदू प्रार्थना स्थळ आहे? असा सवाल विचारताना सार्वजनिक ठिकाणी विशेषत: वारसा स्थळी मुलींनी नमाज पठण केल्याच्या कृतीवर खासदार मेधा कुलकर्णी यांनी टीका केली आहे.
दरम्यान यावरून आता वातावरण चांगलंच तापलं असून शनिवार वाडा आहे ऐतिहासिक वारसा स्थळ की गैर हिंदू प्रार्थना स्थळ? सारसबाग येथे झालेल्या नमाज पठणाच्या घटनेनंतर शनिवार वाड्यात घडलेला प्रकार हा प्रत्येक पुणेकरासाठी चिंतेचा आणि संतापाचा विषय आहे. पुणे प्रशासन नक्की करते काय? आपल्या वारसा स्थळांचा सन्मान कुठे हरवतोय? शनिवार वाड्यात नमाज पठण चालणार नाही, हिंदू समाज आता जागृत झाला आहे, असे मेधा कुलकर्णी यांनी पोस्टमध्ये म्हटले आहे.
