ग्राहकांना दणका! Jio-Airtel-Vid चे मोबाईल रिचार्ज होणार महाग, जाणून घ्या सविस्तर माहिती…
पुणे : भारतातील टेलिकॉम कंपन्या ग्राहकांना आकर्षित करण्यासाठी स्वस्त रिचार्ज प्लॅन लॉन्च करत असतात. आता याच कंपन्यांनी ग्राहकांना मोठा दणका दिला आहे.लवकरच जिओ, एअरटेल आणि व्होडाफोन-आयडियाचे प्लॅन आणखी महाग होणार असल्याची माहिती समोर आली आहे. जाणून घ्या सविस्तर माहिती..
भारतात टेलिकॉम कंपनीमध्ये लवकरच मोबाईल डेटा प्लॅनच्या दरात वाढ होण्याची शक्यता व्यक्त केली जात आहे. माहितीनुसार रिलायन्स जिओ, एअरटेल आणि व्होडाफोन-आयडिया पुढील काही महिन्यांत डेटा प्लॅनचे दर अंदाजे १०% ने वाढवू शकतात.
नवीन रिचार्ज वाढ लागू होणार?
जर नवीन रिचार्ज वाढ लागू झाली तर २०२४ नंतर मोबाईल प्लॅन दर वाढण्याची ही पहिली वेळ ठरेल. सध्या टेलिकॉम कंपन्या थेट प्लॅन महाग न करता, यूजर्सचा ARPU वाढवण्याच्या विविध किमतींवर लक्ष केंद्रीत करत आहेत.
जिओ आणि एअरटेलचे बेसिक प्लॅन
नुकतेच जिओ आणि एअरटेलने त्यांचे बेसिक १GB एक दिवसाचा प्रीपेड प्लॅन टप्प्याटप्प्याने काढले असून ग्राहकांना महागड्या प्लॅनकडे वळवण्याचा प्रयत्न आहे. आता बहुतेक यूजर्ससाठी १.५GB दिवसाचा प्लॅन नवीन लोकप्रिय बनला आहे. ज्याची किंमत ₹२९९ आहे. दरम्यान, Vi अजूनही ₹२९९ मध्ये १GB एका दिवसाचा प्लॅन देत आहे.
स्वस्त प्लॅन काढून टाकत आहेत
एअरटेल आणि Vi यांनी सांगितले आहे की टेलिकॉम कंपनी अत्यंत आर्थिक गोष्टींवर आधारित आहे. 5G नेटवर्क विस्तारासाठी मोठी गुंतवणूक सुरू आहे. त्यामुळे, थेट दरवाढ करण्याऐवजी ते हळूहळू स्वस्त प्लॅन काढून टाकत आहेत. ज्यामुळे ARPU वाढेल.
जास्त डेटा देणाऱ्या प्रीमियम प्लॅनकडे वळवण्याची प्रक्रिया
रिलायन्स जिओच्या आर्थिक वर्ष २०२६ च्या दुसऱ्या-तिसऱ्या महिन्यात ARPU वाढून ₹२११.४ झाला. जो मागील ₹२०८.८ पेक्षा जास्त आहे. कंपनीने स्पष्ट केले की सध्या तातडीची टॅरिफ वाढ नाही, पण ग्राहकांना जास्त डेटा देणाऱ्या प्रीमियम प्लॅनकडे वळवण्याची प्रक्रिया सुरू आहे.
एअरटेलचा नवीन बेस प्लॅन
कंपनी ग्राहकांना एक महिना किंवा तीन महिन्यासाठी पॅक निवडण्यास भाग पाडत आहे. ज्यामुळे स्थिर महसूल आणि चांगला नफा मिळतो. दरम्यान एअरटेलने नवीन बेस प्लॅन म्हणून २८ दिवसांचा १.५GB प्रतिदिन रिचार्ज पर्याय आणला आहे.
रिचार्ज प्लॅन वाढण्याची शक्यता
Axis Capital आणि विश्लेषक गौरव मल्होत्रा यांचे म्हणणे आहे की डिसेंबर २०२५ ते जून २०२६ दरम्यान रिचार्ज प्लॅन वाढण्याची शक्यता आहे. जेपी मॉर्गनचा अंदाज आहे की जिओ IPO पूर्वी सुमारे १५% दरवाढ करू शकते.
