शरद पवार यांच्यासमोर लोटांगण घालून पाया पडणार!! अजित पवार गटाच्या मंत्र्याचे मोठं वक्तव्य…
मुंबई : राज्याचे मंत्री नरहरी झिरवाळ हे अजित पवार यांच्या राष्ट्रवादीत असले तरी त्यांची माजी केंद्रीय मंत्री शरद पवार यांच्यावरील निष्ठा काही कमी झालेली नाही. शरद पवार यांच्याबद्दलचा आदर ते वेळोवेळी बोलून दाखवत असतात. यावेळीही झिरवाळ यांनी शरद पवार यांच्याबद्दलचं विधान केलं आहे.
झिरवाळ यांनी शरद पवार यांच्याबद्दल आपला आदर व्यक्त करताना, माझ्या छातीत प्रभू राम दिसतात, आणि शरद पवार साहेबच दिसतात, असे म्हंटले आहे. त्यांनी याच संदर्भात मोठं विधान करतांना, शरद पवार साहेबांसमोर जाऊन लोटांगण घालून पाया पडणार, असे सांगितले आहे.
झिरवाळ यांचे हे विधान उपमुख्यमंत्री अजित पवार यांच्या मातोश्री यांनी पवार कुटुंब पुन्हा एकत्र येण्याचे आवाहन केल्यानंतर आले. यावर झिरवाळ म्हणाले की, सर्वांनाच वाटतंय की अजितदादा आणि शरद पवार साहेब एकत्र आले पाहिजे. त्यांना पवार साहेबांची निष्ठा जपण्यासाठी त्यांचा निर्णय योग्य ठरला आहे, असं ते मानतात.
दरम्यान, झिरवाळ यांनी राजकारणाच्या वाटचालीवर भाष्य करत सांगितलं की, त्यांना शरद पवार साहेबांपासून दूर जावे लागले, पण त्यांनी दिलेल्या निर्णयाच्या मूल्यांकनाचा अधिकार केवळ त्यांनाच आहे.
तसेच, माझं खातं नवीन आहे, पण मी जुना आहे,” असं स्पष्ट करत, त्यांनी सर्वांचे आशीर्वाद घेऊन कार्य करण्याची इच्छा व्यक्त केली. यावेळी झिरवाळ यांनी आपला मंत्रीपदाचा अनुभव सुद्धा शेअर करत सांगितलं की, “मी नशीबवान आहे, कारण मी उपाध्यक्षपद मिळवले. असे ते म्हणाले.
