मोठी बातमी! पुणे ग्रामीणच्या पोलिस अधीक्षकपदी संदीपसिंग गिल यांची नियुक्ती..
पुणे : पुणे ग्रामीण जिल्हा पोलीस अधीक्षकपदी संदीप सिंग गिल्ल यांची नियुक्ती झाली आहे. यापूर्वी या पदावर कार्यरत असलेले पंकज देशमुख यांची पदोन्नती होऊन ते आता पुणे शहराचे अपर पोलीस आयुक्त म्हणून जबाबदारी सांभाळणार आहेत.
परिमंडळ एकचे पोलीस उपायुक्त असलेले संदीपसिंग गिल यांची यापूर्वी ग्रामीण पोलीस दलात अधीक्षकपदी बदली करण्यात आली होती. मात्र, पोलीस अधीक्षक पंकज देशमुख यांचा कार्यकाळ पूर्ण न झाल्याने प्रशासकीय सेवा प्राधिकरणात (मॅटमध्ये) धाव घेतली होती. त्यांनी कार्यकाळ पूर्ण करण्याची विनंती केली होती.
देशमुख यांनी कार्यकाळ पूर्ण केल्यानंतर त्यांची बदली करण्यात आली. त्यानंतर गिल यांना पोलीस उपायुक्तपदावरुन कार्यमुक्त करण्याचे आदेश पोलीस आयुक्त अमितेश कुमार यांनी दिले. त्यानुसार गिल हे सोमवारी (१९ मे) पुणे ग्रामीण पोलीस अधीक्षकपदाची सूत्रे स्विकारणार आहेत.
परिमंडळ एकचे पोलीस उपायुक्त असलेल्या गिल यांनी गणेशोत्सवातील बंदोबस्त, तसेच अनेक महत्त्वाच्या कार्यक्रमांचा बंदोबस्त पार पाडला. विविध सार्वजनिक मंडळाच्या पदाधिकाऱ्यांशी सातत्याने साधलेल्या संवादामुळे गिल हे लोकप्रिय अधिकारी ठरले होते.
