Pune : पुणे विमानतळाला संत तुकाराम महाराजांचे नाव! उपमुख्यमंत्री अजित पवार यांनी मांडलेल्या प्रस्तावाला मंजुरी…

Pune : पुणे येथील लोहगाव विमानतळाचे ‘‘जगद्गुरू संत तुकाराम महाराज आंतरराष्ट्रीय विमानतळ, पुणे’ असे पुनर्नामकरण करण्याचा शासकीय ठराव उपमुख्यमंत्री अजित पवार यांनी गुरुवारी विधानसभेत मांडला आणि त्यास तत्काळ मंजुरीही देण्यात आली आहे.

उपमुख्यमंत्री अजित पवार यांनी विधानसभा नियम ११० अंतर्गत हा ठराव सादर केला,याला तातडीने मंजुरी मिळाली. या ठरावाद्वारे केंद्र शासनाला विमानतळाच्या नाव बदलण्याची शिफारस करण्याचा निर्णय घेण्यात आला. Pune

संत तुकाराम महाराज यांचे समाजासाठी असलेले योगदान आणि त्यांच्या विचारांचा वारसा लक्षात घेऊन हे नामकरण करण्यात आले आहे. यामुळे विमानतळाचा स्थानिक, सांस्कृतिक, आणि ऐतिहासिक संदर्भ अधिक दृढ होईल, अशी अपेक्षा व्यक्त केली जात आहे.