Politics News : मोठी बातमी! राज्याचा मुख्यमंत्री ठरला, दिल्लीतील बैठकीत समोर आलं मोठं नाव…
Politics News : महाराष्ट्र विधानसभा निवडणुकीत महायुतीची सरशी झाली. विधानसभा निवडणुकीत तमाम राजकीय विश्लेषक आणि बहुतांश मतदानोत्तर चाचण्यांच्या अंदाजापेक्षाही उत्तम कामगिरी करत महायुतीने जोरदार मुसंडी मारली.
महायुतीच्या तिन्ही घटक पक्षांना मिळून २३४ जागा मिळाल्या असून, यामध्ये भाजपला १३२ जागा मिळाल्या आहेत, त्यामुळे भाजप हा सर्वात मोठा पक्ष ठरला आहे. भाजपच्या दिग्गज नेत्यांमध्ये फडणवीस यांच्या मुख्यमंत्री होण्याच्या दाव्याला जोर आहे, तर शिंदे यांनी अजून कोणतीही स्पष्ट भूमिका घेतलेली नाही.
मिळालेल्या माहिती नुसार, केंद्रीय नेतृत्वाच्या गटाने फडणवीस यांना मुख्यमंत्री करण्याचा प्रस्ताव चर्चेत आणला आहे. यासाठी आरएसएसने देखील फडणवीस यांना ग्रीन सिग्नल दिल्याची माहिती समोर आली आहे. Politics News
यामुळे, फडणवीस यांच्या बाजूने राजकीय वर्तुळात हवा निर्माण झाली आहे. या संदर्भात महायुतीतील प्रमुख नेत्यांच्या बैठकाही सुरू असून, आज रात्रीपर्यंत मुख्यमंत्रीपदाबाबतची घोषणा होण्याची शक्यता आहे.
दरम्यान, फडणवीस यांच्या नेतृत्वाखाली भाजपला मिळालेल्या अभूतपूर्व यशानंतर, शिंदे यांनी मुख्यमंत्री पदावरून सोडून देण्याची भूमिका घेतल्यास, त्यांना राजकीय फायदाही होऊ शकतो. तथापि, महायुतीतील तिन्ही पक्षांच्या बैठकीनंतरच अंतिम निर्णय होईल. आगामी बैठकीत चर्चा झाल्यानंतर मुख्यमंत्रीपद कोणाला मिळणार हे स्पष्ट होणार आहे.
