कॉलेजला सोडण्याच्या बहाण्याने कारमध्ये बसवलं, शेतात नेत शेजाऱ्यानेच केले धक्कादायक कृत्य…
Crime News : एका १५ वर्षीय अल्पवयीन तरुणीवर अत्याचार केले. ही घटना पनवेलमध्ये घडली. यामुळे परिसरात खळबळ उडाली आहे. या प्रकरणी आरोपी तरुणाला अटक करण्यात आले आहे. हा तरुणी आणि पीडित तरुणी हे ओळखीचे होते. शिवाय ते एकमेकांच्या शेजारी राहाणारे होते.
पनवेल येथे एक घृणास्पद आणि धक्कादायक घटना घडली आहे. एका मारुती स्कुल व्हॅन चालकाने १५ वर्षीय अल्पवयीन मुलीवर अत्याचार केल्याची धक्कादायक घटना समोर आली आहे. या घटनेने परिसरात एकच खळबळ उडाली आहे.
पोलिसांनी दिलेल्या माहितीनुसार, आरोपी हा पीडितेच्या शेजारीच राहत होता. त्यामुळे या दोघांचाही चांगला परिचय होता. या ओळखीचा गैरफायदा आरोपीने घेतला. त्याची तिच्यावर वाईट नजर पहिल्यापासून होती. आरोपीने संधी साधत पीडितेला कॉलेजला सोडण्याच्या बहाण्याने आपल्या गाडीत बसवले.
त्यानंतर कॉलेजला नेण्या ऐवजी तो तिला घरापासून दूर चिंचवली इथं घेवून गेला. तिथं असलेल्या एका शेता शेजारी त्याने गाडीमध्येच तरुणीवर अत्याचार केले. तरुणी या सर्व गोष्टीने घाबरून गेली होती. काय करावे हे तिला समजत नव्हते. कुणाला काही बोलली तर ठार मारेन अशी धमकी तिला देण्यात आली होती. त्यामुळे ती शांत राहीली.
दरम्यान, अत्याचार केल्यानंतर आरोपीने तिला परत घरी सोडले. घरी आल्यानंतर ती शांत होती. घरच्यांनी तिच्याकडे चौकशी केली. त्यानंतर तिने तिच्या बरोबर झालेला सर्व प्रकार घरच्यांना सांगितला. त्यानंतर तिच्या कुटुंबाने तिला घेवून पोलीस स्थानक गाठले. पोलिसांनी तात्काळ कारवाई करत आरोपीला अटक केली.
