Loksabha Election : मोठी बातमी! विधानसभेचे उपाध्यक्ष करणार शरद पवार गटात प्रवेश, अजित पवारांना धक्का….

Loksabha Election : लोकसभा निवडणुकीच्या रणधुमाळीमध्ये राज्यात राजकीय घडामोडींना प्रचंड वेग आला आहे. तीन टप्प्यांचं मतदान पार पडलं आहे. सोमवारी चौथ्या टप्प्यासाठी मतदान होणार आहे. अशातच आता एक मोठी बातमी समोर आली आहे.

अजित पवार गटात असलेले विधानसभेचे उपाध्यक्ष आणि आमदार नरहरी झिरवळ हे शरद पवार गटात जाणार असल्याच्या चर्चा सध्या राजकीय वर्तुळात सुरू आहेत. याबाबत संकेत देखील मिळालेले आहेत नरहरी झिरवळ हे सध्या शरद पवार गटाचे दिंडोरी लोकसभा मतदारसंघातील उमेदवार भास्कर भांगरे यांच्या प्रचारामध्ये सक्रिय आहेत.

अजित पवार यांनी बंड पुकारल्यानंतर झिरवळ यांनी शरद पवारांची साथ सोडून अजित पवारांच्या सोबत येण्याचा निर्णय घेतला. मात्र लोकसभा निवडणुकीचे बिगुल वाजल्यापासून झिरवळ यांच्या भूमिकेबाबत चर्चा सुरू होती.

दरम्यान दिंडोरी लोकसभा मतदारसंघांमध्ये नरहरी झिरवळ हे शरद पवार गटाचे उमेदवार भास्कर भगरे यांचा प्रचारामध्ये सक्रिय असल्याचे पाहायला मिळाले. Loksabha Election

त्यामुळे ते शरद पवार गटात जाणार असल्याच्या चर्चा राजकीय वर्तुळात रंगल्या आहेत. जर रहरी झिरवळ यांनी शरद पवार गटात प्रवेश केला तर अजितदादांसाठी हा मोठा धक्का मानला जाणार आहे.