लोणीकाळभोरला मारहाण प्रकरणी चौघांवर गुन्हे दाखल..!!
लोणी काळभोर : लोणी काळभोर (ता.हवेली) ग्रामपंचायत हद्दीतील माळीमळा परिसरातील नव्या कॅनलजवळ मित्राची भांडणे सोडवीण्यासाठी गेलेल्या दोघांना मारहाण करून जीवे मारण्याची धमकी दिल्याची घटना घडली आहे.
हि घटना रविवारी (ता.२५) संध्याकाळी सव्वासात वाजण्याच्या सुमारास घडली आहे. याप्रकरणी लोणी काळभोर पोलीस ठाण्यात ४ जणांवर गुन्हा दाखल करण्यात आला आहे.
प्रसाद सुरेश काळभोर (वय २३, व्यवसाय शेती, पत्ता बाजार मळा, लोणी काळभोर (ता. हवेली), हर्षद तुळशीराम काळे (वय २३) अशी हाणामारीत जखमी झालेल्या दोघांची नावे आहे. तर प्रशांत तुकाराम काळभोर (वय ३५), सुजित वलटे (वय ३०), सुरज पांडुरंग गवते (वय २३), विशाल काळभोर (वय ४०, सर्व रा. लोणीकाळभोर, ता. हवेली) अशी गुन्हा दाखल झालेल्या आरोपींचे नावे आहे. याप्रकरणी प्रसाद काळभोर यांनी लोणी काळभोर पोलिस ठाण्यात फिर्याद दिली आहे.
मिळालेल्या माहितीनुसार, फिर्यादी प्रसाद काळभोर हे त्यांचा मित्र हर्षद काळे याला कोळपेवस्ती येथील घरी सोडण्यासाठी दुचाकीवर चालले होते. दोघे जण दुचाकीवरून जात असताना, रविवारी (ता.२५) नव्या कॅनलजवळ, प्रसाद काळभोर यांना त्यांचा औदूंबर काळभोर व सुरज गवते यांचा रस्त्यालगत वाद सुरु होता. यावेळी सदर ठिकाणी आरोपी प्रशांत काळभोर, सुजित वलटे, सुरज गवते, विशाल काळभोर हे सुद्धा थांबले होते.
फिर्यादी प्रसाद काळभोर यांचा औदूंबर काळभोर हा मित्र असल्याने सदर ठिकाणी थांबून काय झाले? कशाला वाद करताय असे विचारले. तेव्हा आरोपी प्रशांत काळभोर हा म्हणाला, तुला काय करायचे असे म्हणून प्रसाद काळभोर शिवीगाळ करू लागला, तेव्हा प्रसाद म्हणाला मी भांडणे सोडविण्यासाठी थांबलोय.
त्यानंतर आरोपी प्रशांत याने प्रसाद काळभोर याच्या तोंडावर लोखंडी हत्याराचे दांड्याने मारहाण केली. तेव्हा मित्र हर्षद काळे भांडणे सोडवण्यासाठी मध्ये आला असता, तेव्हा आरोपीने हर्षदला लाथाबुक्क्यांनी मारहाण केली आहे. तसेच जीवे मारण्याची धमकी दिली आहे.
दरम्यान, गुन्हा दाखल होताच, आरोपी फरार झाले असून पुढील तपास लोणी काळभोर पोलीस ठाण्याचे पोलीस निरीक्षक शशिकांत चव्हाण यांच्या मार्गदर्शनाखाली पोलीस हवालदार नितीन गायकवाड करत आहेत.
