विमानतळावर करिअरची सुवर्णसंधी! ‘एवढ्या’ पदांसाठी भरती सुरु, ‘या’ तारखेपर्यंत करता येणार अर्ज; जाणून घ्या संपूर्ण माहिती..
नवी दिल्ली : विमानतळावर करिअर करण्याची आता सुवर्णसंधी आहे. एअरपोर्ट अथॉरिटी ऑफ इंडिया कडून ज्युनियर एक्झिक्युटिव्ह पदांसाठी मोठ्या प्रमाणावर भरती जाहीर करण्यात आली आहे. पदवीधर तरुणांसाठी ही सरकारी नोकरीची उत्कृष्ट संधी ठरणार असून ऑनलाइन अर्ज प्रक्रिया 28 ऑगस्ट 2025 पासून सुरू होईल.
तसेच अर्ज करण्याची अंतिम तारीख २७ सप्टेंबर २०२५ अशी निश्चित करण्यात आली आहे. इच्छुक उमेदवारांनी aai.aero या अधिकृत वेबसाइटवर जाऊन आवश्यक माहिती भरत अर्ज सादर करावा.या भरतीत एकूण ९७६ जागा उपलब्ध असून त्यात आर्किटेक्चर, सिव्हिल, इलेक्ट्रिकल, इलेक्ट्रॉनिक्स आणि माहिती तंत्रज्ञान या शाखांचा समावेश आहे.
कनिष्ठ कार्यकारी (आर्किटेक्चर) ११, कनिष्ठ कार्यकारी (अभियांत्रिकी–सिव्हिल) १९९, कनिष्ठ कार्यकारी (अभियांत्रिकी–इलेक्ट्रिकल) २०८, कनिष्ठ कार्यकारी (माहिती तंत्रज्ञान) ३१ आणि कनिष्ठ कार्यकारी (इलेक्ट्रॉनिक्स) ५२७ अशा स्वरूपात पदे जाहीर झाली आहेत. निवड प्रक्रिया GATE गुणांवर आधारित असणार असल्याने पात्र उमेदवारांनी आपल्या स्कोअरकार्डची तयारी ठेवणे आवश्यक आहे.
दरम्यान, वेतनश्रेणीही आकर्षक असून निवड झालेल्या कनिष्ठ कार्यकारींना मासिक ₹40,000 ते ₹1,40,000 इतके वेतन मिळेल. यामध्ये 3 टक्के वार्षिक वाढ लागू राहील. अशी स्पर्धात्मक पगाररचना आणि प्रतिष्ठित कामकाजाचे वातावरण लक्षात घेता, ही भरती दीर्घकालीन करिअरसाठी उत्तम संधी मानली जाते. विमानतळ प्रकल्प, देखभाल, सुरक्षा आणि डिजिटल प्रणालींच्या विस्तारात योगदान देण्याची संधी यामुळे तरुण अभियंत्यांसाठी मोठ्या प्रमाणावर आकर्षण आहे.
ऑनलाइन अर्ज करताना उमेदवारांनी प्रथम aai.aero या अधिकृत पोर्टलवर भेट देऊन नोंदणी करावी, त्यानंतर लॉगिन करून अर्ज सविस्तर भरावा. सर्व तपशील तपासून योग्य कागदपत्रे अपलोड केल्यानंतर शुल्क भरून अर्ज अंतिम स्वरूपात सादर करावा. इच्छुकांनी अर्जाची प्रिंटआउट सुरक्षित ठेवणे आणि पुढील संवादासाठी ईमेल व मोबाईलवरील सूचना तपासत राहणे हितावह ठरेल.
वेळेआधी अर्ज पूर्ण केल्यास शेवटच्या क्षणी होणाऱ्या तांत्रिक अडचणी टाळता येतील.अर्ज शुल्क ₹300 ठेवण्यात आले असून महिला उमेदवार, अनुसूचित जाती-जमाती, माजी सैनिक आणि एएआयमध्ये एक वर्ष प्रशिक्षण घेतलेले उमेदवार यांना शुल्कमाफीचा लाभ मिळणार आहे.
या सवलतीमुळे आर्थिक दृष्ट्या अधिक उमेदवारांना संधी उपलब्ध होईल. भरतीचे सर्व अद्ययावत तपशील, वेळापत्रक आणि कोणत्याही दुरुस्तीबाबतच्या सूचना अधिकृत वेबसाइटवरच पाहाव्यात, अशी सूचना उमेदवारांना दिली जाते.
