आज सोन्याच्या दरात पुन्हा वाढ, तर चांदीच्या दरात घसरण, जाणून घ्या तुमच्या शहरातील दर..
मुंबई : सोन्याची खरेदी करणाऱ्यांसाठी थोडी निराशाजनक बातमी आहे. तर चांदीची खरेदी करणाऱ्यांसाठी दिलासा देणारी बातमी आहे. सोन्याच्या दरात वाढ झाली आहे. तर चांदीच्या दरात घसरण झाली आहे.
गेल्या आठवड्यात सोन्याच्या किमतीत सुमारे 4 टक्क्यांनी घसरण झाल्यानंतर, आज म्हणजेच सोमवार दिनांक 19 मे 2025 रोजी सोन्याच्या दरात वाढ जालीय. मुंबईत 22 कॅरेट सोन्याचा दर प्रति 10 ग्रॅम 87200 रुपये आहे, तर 24 कॅरेट सोन्याचा दर 95130 रुपयांना आहे.
तथापि, मुंबईत चांदीचा भाव 100 रुपयांनी घसरून 96900 रुपये प्रति किलो झाला. एमसीएक्सवर, सोने 0.65 टक्क्यांनी वाढून 93042 रुपये प्रति दहा ग्रॅमवर विकले जात आहे, तर चांदी देखील 0.26 टक्क्यांनी वाढून 95570 रुपये प्रति किलोवर विकली जात आहे.
दरम्यान, जागतिक बाजारपेठेत सोन्याच्या किमतीत सुमारे एक टक्क्यांची वाढ झाली आहे. याचे कारण अमेरिकन डॉलरचे कमकुवत होणे आहे. अमेरिकेचे ट्रेझरी सेक्रेटरी स्कॉट बेझंट यांनी राष्ट्राध्यक्ष डोनाल्ड ट्रम्प यांच्या टॅरिफचा पुनरुच्चार केल्यानंतर व्यापारातील तणाव कमी झाल्यामुळे गुंतवणूकदारांचा सोन्यातील रस वाढला आहे.
जयपूरमध्ये 22 कॅरेट सोने 87350 रुपये आणि अहमदाबादमध्ये 87600 रुपयांना विकले जात आहे. त्याचप्रमाणे, पटना येथे सोने 87600 रुपयांना विकले जात आहे, तर मुंबई, हैदराबाद, चेन्नई, बंगळुरु आणि कोलकाता येथे सोने 87550 रुपयांना विकले जात आहे.
