प्रियसीला पोलिसासोबत नको त्या अवस्थेत जागेवरच पकडलं, प्रियकराने सगळंच संपवलं, ८ वर्षाच्या प्रेमाचा झाला भयंकर शेवट…
मध्यप्रदेश : तरुणाने आपल्या पोलीस हवालदार मैत्रिणीला तिच्या खोलीत परपुरुषासह रंगेहाथ पकडलं. घडलेल्या प्रकाराने व्यथित होऊन तरुणाने गळफास लावून आत्महत्या केल्याची धक्कादायक घटना समोर आली आहे. हा धक्कादायक मध्य प्रदेशातील इंदूरमध्ये बुधवारी प्रकार घडला.
तसेच पोलिसांना घटनास्थळावर एक सुसाईड नोट सापडली आहे. आपल्या प्रेयसीचे तिच्या सहकारी अधिकाऱ्यासोबतचे अनैतिक संबंध असल्यामुळे टोकाचं पाऊल उचलल्याचा उल्लेख तरुणाने चिठ्ठीत केल आहे.
प्रदीप रावत (वय.२७) याने प्रेयसीने केलेल्या विश्वासघातामुळे आत्महत्येचे पाऊल उचलले आहे.
सविस्तर माहिती अशी की, प्रदीप रावत हा विद्यार्थी सध्या इंदूर शहरात शिकत होता. सुसाईड नोटमध्ये म्हटलं आहे, की प्रदीपचे २०१७ पासून संबंधित तरुणीसोबत प्रेमसंबंध होते. आठ वर्षांपासून दोघेही नात्याचा गांभीर्याने विचार करत होते. त्यांना एकमेकांशी लग्न करायचे होते.
तसेच २०२२ मध्ये त्याची मैत्रीण इंदूरमध्ये पोलीस कॉन्स्टेबल म्हणून रुजू झाली. दरम्यानच्या काळात तिचे बर्वानी भागातील सहकारी अधिकारी अनुराग प्रजापती याच्याशी बोलणे सुरू केले. प्रेयसी नीट बोलत नसल्यामुळे ती आपली फसवणूक करत असल्याचा प्रदीपला संशय येऊ लागला होता.
एके दिवशी प्रदीपने प्रेयसीला फोन केला. दोघांच्या घरांमध्ये जेमतेम ५-७ मिनिटांचं अंतर असल्यामुळे त्याने तिच्या रुमवर येऊ शकतो का? असं विचारलं. मात्र तिने वैद्यकीय कारण सांगत प्रदीपला नकार दिला. मला जरा झोपायचं आहे, असं सांगून तिने फोन कट केला. तिच्या उत्तराचा संशय आल्याने प्रदीप तिला न कळवताच तिच्या खोलीवर गेला.
आश्चर्याची गोष्ट म्हणजे, तो जेव्हा तिच्या खोलीत पोहोचला, तेव्हा त्याला ती अनुराग प्रजापतीसोबत नको त्या अवस्थेत सापडली. दु:खी मनाने प्रदीपने जीवन संपवण्याचा निर्णय घेतला. सुसाईड नोटमध्ये त्याने सोलंकी आणि अनुराग प्रजापती यांची नावं टाकून टोकाचं पाऊल उचललं आहे.
