तिसरीही मुलगी झाल्याच्या संताप, क्रूरतेने पतीने पत्नीला संपवले, घटनेने राज्य हादरले..
परभणी : परभणी जिल्ह्यातून एक माणुसकीला काळिमा फासणारी घटना समोर आली आहे. पतीने चक्क पेट्रोल टाकून पत्नीला जिवंत जाळल्याचा प्रकार परभणीती घडला आहे. तिसरी ही मुलगीच झाल्याच्या रागातून हा प्रकार घडला आहे.
या धक्कदायक घटनेचे सीसीटीव्ही फुटेज आता समोर आले असून सर्वत्र एकच खळबळ उडाली आहे. दरम्यान, जीव वाचविण्यासाठी धावताना घरासह दोन दुकाने जळून खाक झाल्याची माहिती पुढे आली आहे.
मिळालेल्या माहितीनुसार, तिसरी ही मुलगीच झाल्यामुळे पतीने आपल्या पत्नीचाचा डाव धरला. उठता बसता पत्नीला शिवीगाळ मारहाण करून तो तिच्याशी भांडायचा. गुरूवारी रात्री आठच्या दरम्यान पतीने कहरच केला. यात चक्क टोकाचे पाऊल उचलत पत्नी मैना कुंडलिक काळे हिच्या अंगावर पेट्रोल टाकून पेटवून दिले.
ही घटना परभणीच्या गंगाखेड नाका परिसरातील घडली आहे. घटनेनंतर पत्नीला परभणी जिल्हा रुग्णालयात उपचारासाठी दाखल केले असता उपचारादरम्यान तिचा मृत्यू झाला आहे. दरम्यान मृत महिला मैना काळे या पेटलेल्या अवस्थेत घराबाहेर पडतना आणि दुकानात शिरतानाचे धक्कादायक असे सीसीटीव्ही फुटेज वायरल झाले आहे.
