अखेर छत्रपती सहकारी साखर कारखान्याची निवडणूक जाहीर! तब्बल 10 वर्षांनी लागला मुहूर्त, 18 मे ला होणार मतदान….

भवानीनगर : येथील छत्रपती सहकारी साखर कारखान्याची संचालक मंडळाची पंचवार्षिक निवडणूक अखेर जाहीर झाली. राज्य सहकारी निवडणूक प्राधिकरणाचे सचिव अशोक गाडे आणि प्रादेशिक सहसंचालक तथा जिल्हा सहकारी निवडणूक अधिकारी नीलिमा गायकवाड यांनी याबाबत घोषणा केली आहे.

गेल्या अनेक वर्षांपासून याबाबत न्यायालयात लढाई सुरू होती. अखेर याबाबत आज घोषणा करण्यात आली आहे. छत्रपती सहकारी साखर कारखान्याची 7 एप्रिल 2025 रोजी निवडणूक जाहीर होईल. उमेदवारी अर्ज दाखल करण्याची व स्वीकार करण्याची मुदत 7 एप्रिल 2025 ते 15 एप्रिल 2025 पर्यंत आहे.

तसेच पात्र उमेदवार यादी 16 एप्रिल 2024 रोजी जाहीर होणार आहे. वैध झालेल्या नामनिर्देशन पत्रांची यादी 17 एप्रिल रोजी सकाळी 11.30 वाजता जाहीर केली जाणार आहे. नंतर उमेदवारी अर्ज मागे घेण्याची मुदत 17 एप्रिल 2025 ते 2 मे 2025 पर्यंत आहे. निशाणी वाटपाची मुदत 5 मे 2025 रोजी होणार असून 18 मे 2025 रोजी सकाळी आठ ते संध्याकाळी पाच या वेळेत मतदान होणार आहे.

तसेच 19 मे ला मतमोजणी सुरू होणार असून याच दिवशी मतमोजणीचा निकाल जाहीर केला जाणार आहे. छत्रपती कारखान्याच्या संचालकांची मुदत 2020 मध्ये संपली होती. कारखाण्याची परिस्थिती बेताची झाली असल्याने यावेळी रंगत वाढली आहे.