Crime News : दांडिया खेळताना बहिणीला धक्का दिला, नंतर भावाने तरुणाला जाब विचारला अन् मग भयंकर घडलं…
Crime News : देशभरात नवरात्रीमध्ये ठिकठिकाणी धुमधडाक्यात तरुणाई गरब्यांमध्ये दांडिया खेळताना दिसत आहेत. त्यातच आता एक धक्कादायक घटना समोर आली आहे. Crime News
एका गरब्यात दांडिया खेळताना टवाळखोर तरुणाने बहिणीला धक्का दिल्याचे पाहून भाऊ त्या टवाळखोराला जाब विचारात तीन टवाळखोरांनी मिळून भावाला बेदम मारहाण करत पाय फॅक्चर करत त्याच्यावर गरब्यातच धारधार हत्याराने वार केल्याची घटना समोर आली आहे.
ही घटना कल्याण पूर्वेतील नेतिवली येथील प्रबोधकार ठाकरे शाळेच्या मैदानात घडली आहे. याप्रकरणी कोळसेवाडी पोलिस ठाण्यात हल्लेखोर यांच्यावर गुन्हा दाखल करून पोलिसांनी तपास सुरू केला आहे. Crime News
मंजुमील अहमद शेख (वय. १९) असे हल्ल्यात गंभीर झालेल्या भावाचे नाव आहे. तर अमन आणि त्याचे अनोखळी दोन साथीदार असे गुन्हा दाखल झालेल्या टवाळखोरांची नावे आहेत.
मिळालेल्या माहिती नुसार, कल्याण पूर्वेतील नेतिवली येथील प्रबोधकार ठाकरे शाळेच्या मैदानात गरब्याचे आयोजन करण्यात आले. त्यातच २३ ऑक्टोबर रोजी रात्रीच्या सुमारास या ठिकाणी जखमी मंजुमील हा आपल्या १७ वर्षीय अल्पवीयन बहिणीसह मित्रांसोबत गरब्यात वेगळा सर्कल करून दांडिया खेळत होता.
तर आरोपी टवाळखोरही दांडिया खेळत असतानाच अल्पवयीन बहिणीला एका टवाळखोराने धक्का दिल्याचे पाहून भाऊ त्या टवाळखोराला जाब विचारला असता दोघात दांडिया सुरू असतानाच वाद झाला.
मात्र, काही क्षणात हा वाद विकोपाला जात टवाळखोरांनी भावाला बेदम मारहाण करण्यास सुरुवात केली. त्यावेळी भावाला वाचविण्यासाठी बहिणी आली असता, तिला धक्काबुकी करत तिच्या डोक्याचे केस पकडून तिला जोरदार धक्का दिला. त्यानंतर टवाळखोरांपैकी एकाने धारधार हत्याराने वार करून भावाला गंभीर जखमी केले. या घटनेमुळे गरबा कार्यक्रमात एकच पळापळ झाली होती.
गंभीर जखमी अवस्थेत भावाला त्याच्या मित्रांनी एका रुग्णालयात उपचारासाठी दाखल केले असता, हत्याराने वार केलेल्या ठिकाणी १७ टाके पडले असून एक पाय फॅक्चर झाला. सध्या त्याची प्रकृतीस्थिर असल्याचे सांगण्यात आले. दुसरीकडे, जखमी मंजुमील शेख याच्या तक्रारीवरून कोसळेवाडी पोलिस ठाण्यात गुन्हा दाखल करण्यात आला आहे. या घटनेचा पुढील तपास पोलीस करीत आहेत.
