थेऊर गोळीबार प्रकरणात मोठा ट्विस्ट! मुख्य आरोपीस मदत करणारा पोलीस उपनिरीक्षकच निघाला, अमोल घोडकेवर निलंबनाची कारवाई…
लोणी काळभोर : येथे काही दिवसांपूर्वी गोळीबाराची धक्कादायक घटना घडली होती. याठिकाणी महिलेच्या डोक्यात दगड मारून, तसेच पतीवर पिस्तुलातून गोळीबार करून पसार झालेले सर्व आरोपींना अटकही करण्यात आली होती. त्यांच्यावर मोका अंतर्गत कारवाई करण्यात आली आहे. नंतर महिलेचा मृत्यू झाला.
याप्रकरणी लोणी काळभोर पोलिसांनी खुनाचा गुन्हा दाखल केला होता. नंतर तपासात एक धक्कादायक माहिती समोर आली होती. गुन्ह्यातील मुख्य आरोपी असलेल्या गुन्हेगारास स्थानिक पोलिसाने मदत केली होती. पोलिसाने गुन्हेगारास अप्रत्यक्षरित्या मदत केल्याचे तपासात पुढे आल्याने लोणी काळभोर पोलीस ठाण्यात कर्तव्यास असलेले पोलीस उपनिरीक्षक अमोल घोडके यांना आता निलंबित करण्यात आले आहे.
याबाबतचा आदेश अप्पर पोलीस आयुक्त मनोज पाटील यांनी दिला आहे. उपनिरीक्षक अमोल घोडके यांनी थेऊर येथील घडलेल्या गुन्ह्यातील मुख्य आरोपी भरत जैद याला मदत केली आहे. यामुळे ही कारवाई करण्यात आली आहे. याबाबतचे सबळ पुराने प्राप्त झाले आहेत.
दरम्यान, यावरुन पोलीस उपनिरीक्षक अमोल घोडके यांनी आरोपीस आप्रत्यक्षरित्या सहकार्य करण्याचे दृष्टीने मदत केल्याचे निष्पन्न झाले आहे. घोडके यांना निलंबन कालावधीत कोणतीही खाजगी नोकरी करता येणार नाही. तसेच त्यांनी दररोज शिवाजीनगर येथील पुणे पोलीस मुख्यालय राखीव पोलीस निरीक्षक यांच्याकडे हजेरीसाठी उपस्थित राहावे, असे आदेश दिले आहेत.
